عيش ولحم بالخلطه طعم مميييييييييز ^^

حياالله سيدات الامارات ..
عساكم بخير الغاليات..

هالمرة سويت عيش ولحم بدووون بزار مطحون..
بس بزار حب وملح بس الطعم خيااااااال

بخليكم مع الصور والشرح

اول شي المقادير مثل ماتشوفون فالصورة
لحم مقطع
ملح و جرفه وفلفل اسود حبوب وهيل لاتنسين ادقينه عسب تطلع النكهه
وزودي البزار الحب لان الطعم كله يعتمد عليه..
ورق غار
زعفران
علبه نخي(حمص)حبوب
زبيب
وبصل بس هاااه حطي كميه كبيييرة
لاربع اشخاص حطيت 4روس كباركبر راسي خخخخخخخ

اللحم غسلته ونظفته
وحطيته فالجدر وعليه الماي المغلي والبزار الحبوب والملح

العيش غسلته وخليته يتودن فالماي

البصل قصيته شرايج رفييييعه وزدت عليه الزيت وخليته يتحمس ع نار هااااااااااااديه

حمسته عدددل ليييين استوى لونه ذهبي وحطيت عليه الجرفه والزبيب

خليت اللحم يغلي 45دقيقه ونشلته من المرقه
وحطيته على خلطه البصل ورشيت عليه الزعفران بدون ماذوبه فالماي وزدت عليه رشة ملح

غطي الجدر وخليه 5دقايق ع نار هااديه وهذا شكل الخلطه

هني حطينا النخي

والعيش حطيته فمرقة اللحم وعقب شخلته…
وحطيته على خلطه اللحم وغطيته بالقصددير وخليته على نار هااديه 10دقايق

وهذا شكله ..

صورة ثانيه

وخلصنا..
اتمنى ايكون عيبكم
وحياالله سيدات الامارات,,

تسلم الاياااااااادي والله ….الطريقه سهله …بس مششششكلتي ما احب اللحم …مشكوره فديتج

شكله شهي وايد .. احيد ام ربيعتي طبخت لنا هالطبخه ايام السكن الجامعي .. اااااااااشتهيتها ^^

تسلم يمينج

هلا والله ام طيفاني
عادي الغاليه حطي بدا اللحم دياي
الله يسلمج منورة خيتو..

الله يسلمج الغاليه
شكلي خليتج تحنيين للماضي خخخخخخخ وحليليج
خلاص تعالي هني عندي بعزمج عليها
الله يثبت لج الحمل وييسر عليييج الولاده يارب…

تسلم ايدج شهي بجربه ان شاء الله

تسلم ايدج