هلا خوااتي انا بعد بروح العمره ان شاء الله خلال هاليومين وبشل معاي بنتي 2 سنتين و4 سنين بس امي تقولي انتي مستخفه تشلي بناتج اتخاف يلقطن عدوى وبصراحه ألحين عيال اليوم مناعتهم ضعيفة يعني عمره وإلا غيره خواتي انا ماصدقت احصل فليسات علشان اعتمر فنصحني خواتي إللي شالات عيالهن قبل . ارجوكن
الغالية أنا ماشليت عيالي وكانت أول مرة لي أعمر بس قلت الحمدلله اني ماشليتهم وكان خاطري أشلهم وتوقعت أتوله عليهم بس اللي يسير هاك المكان الطيب ينس العالم كله!!سبحااان الله
حمدت ربي انهم في بيتهم مرتاحين من كثر ماشوف لعيال فالعمرة كيف ملعوزين أهاليهم وبتمين تحاتينهم اذا الوالدة تقدر عليهم خليهم عندها أحسن ويوم بيكبرون شوي شليهم ..
وعساها عمرة مقبولة يااارب
حمدت ربي انهم في بيتهم مرتاحين من كثر ماشوف لعيال فالعمرة كيف ملعوزين أهاليهم وبتمين تحاتينهم اذا الوالدة تقدر عليهم خليهم عندها أحسن ويوم بيكبرون شوي شليهم ..
وعساها عمرة مقبولة يااارب
دامج بتسيرين اول مره
فخلى عيالج عند الوالده احسن
ان خذتيهم بيلعوزونج
فخلى عيالج عند الوالده احسن
ان خذتيهم بيلعوزونج
انا بعد اول مره بس المشكلة امي قالت ماتقدر عليهن وماعندي حد اخليهن عنده واصلا بناتي اذا ماشافني بيصيحن ولا حد يقدر عليهن الله كريم شكلي باخذهن معاي شورايكن
الله يسهل عليج استخيري ربج الي فيه الخير بيكتبه لج
العمره ما تصلح للعيال الصغار الي في مثل سن بناتج
واذا عندج حد تثقين فيه وتامنينه على بناتج حطيهم وعرفي ان اياهل في مكانه اريحله عن السفر والروحه والرده… خاصه ان هذي السفره حق عباده مب كشته.
العمره ما تصلح للعيال الصغار الي في مثل سن بناتج
واذا عندج حد تثقين فيه وتامنينه على بناتج حطيهم وعرفي ان اياهل في مكانه اريحله عن السفر والروحه والرده… خاصه ان هذي السفره حق عباده مب كشته.
عادي شليهن .. بس بيتعبون وايد .. فكل واحد منكم بيشل بنت.. انتي شلي الاصغر على ايديج و ريلج خل يشل العوده … (قصدي في الطواف و السعي)
بس المشكله يوم بتسيرون تصلون الفجر بتوعونهم وبتودونهم وياكم ؟
الواحد يوم يسير هناك الود وده يتم في الحرم طول فترة اقامته .. و هم وايد بيحدون من حركتكم ..
حاولي تخلينهم عند امج .. او شلي البشكاره عشان اتم معاهم في الفندق ..
انزين ليش ماتشلين حد عشان يقعد معاهن في السكن أنا انشاالله جذيه اسويه لاني ماأقدر أخلي عيالي