عيادة البرج الله يخليكم ساعدوني

السلام عليكم و رحمة الله و بركاته

مرحبا خواتي .. شحالكن ان شاء الله بخير

هاي أول مشاركة لي فالمنتدى .. بخبركم قصتي أتمنى مساعدتكم

انا تقريبا بكمل سنيتن و انا اسوي ليزر حق ويهي في عيادة فالشارجه ..
بس الشعر بعده يطلع شرات قبل و الليزر مالها وايد يعور و ويهي يحمر و علامات الليزر اتم يومين تقريبا .. قررت اني اغير العياده ..

سرت عيادة البرج في مركز المزايا في دبي و اليوم كانت أول جلسة عندهم .. سمعت انه الليزر مالهم زين و الشعر وايد يخف و ما يطلع بعد فتره ..

بس انصدمت من وايد أشيا و اهمها انه ما حطتلي كريم ولا جل قبل ما تبدي الليزر و عقب ما خلصت ما عطتني شي احطه على ويهي و لا حتى كريم شمس مثلا !! وغير جيه الليزر مالهم يعور و مسوي علامات في ويهي .. و اللي زاد الطين بله اني يوم رديت البيت شفت ويهي ستل فيه شعر (خاصه صوب عيني ) و من القهر اتصلت فيها و قالتلي انا اتعمدت أسوي جيه و الشعر الصغير بروحه بيطيح .. مادري شو اسوي اكمل عندها والا أدور عيادة ثانيه ..

الله يخليكم اللي عندها فكرة عن عيادة البرج تخبرني .. خبروني عن تجاربكم .. ابغي اعرف اكمل عندها و الا ..

و السموحه ع الاطاله ..

اتريا نصايحكم بلييز لا تبخلون عليه

ررررررررررررفع

اعتقد انها لازم تحط لج واقي شمس قبل لا تطلعين

تسوين ليزر من سنين وما تغير شي؟؟؟غريبه
لاتسيرين لها مره ثانيه (لاكريمات قبل ولا عقب؟؟؟)
سيري دكتوره مينال اللي في كريستال بلازا ع البحيره وهي بتعرف اي نوع من الليزر بيناسبج وبتسويلج اياه
وانشالله بتتخلصين منه بطريقه مريحه بدون ألم ولا وجع ولا سنين بعد لانها صدق دكتوره شاطره وخبره

تسلمون خواتي اللي رديتوا عليه ما قصرتوا

مس جوكليت .. يوم قلتلها انه ما تغير شي من سنتين الا شي بسييط نبهتني على شي اللي هو يمكن تكون عندي مشكله فالهرمونات .. و هالشي ما جد يا ع بالي ..

ان شاء الله بسأل عن هاي العياده .. مشكوره وايد و ما قصرتي فديتج .. الله يجزيج كل خير

يا جماعه اللي يعرف عن عيادة البرج بلييز لا تبخلون عليه

ابا حد مجرب الليزر عندهم .. ابا اعرف اذا فاد والا

اترياااكم