عيادة البرازي للأسنان في العين

بنات في حد جرب هالعيادة ؟؟؟؟

شو شغلهم وأسعارهم

لا تبخلن علينا بالردود

لا ولله ما عندي فكرة عنها ^_^

اختي إذا قصدج اللي ورا البي اتش اس سويت عندهم بس رئيس العياده الدكتور انيس وايد عصبي ويحب يحرج يعني يعيب على ظروس الناس ):

وانا كنت اسيرلهم فالعياده الجديمه اللي فوق جاشنمال بس ترا انفصلوا الدكتور انيس وزميله الدكتور بسيل . بسيل هذا اختصاص تقويم واااايد زين وعنده زميله اليديد عمار حق الحشو والتنضيف بعد زين بس فيه شوي من الدكتور انيس لعانه

هذربت وايد صح ؟؟؟ الزبده انيس البرازي من عرفته من 15 سنه لين يومج محد يتم عنده يعني إييب اطباء اسنان زملاء يشاركونه فالعياده بس محد يكمل ازيد عن سنه وانا كل ما كنت اسيرلهم سواء العياده الجديمه او اليديده ما القى الدكاتره نفسهم يطفشهم وخذي نصيحتي عشان تعرفين اسلوبه او اسلوب اللي عنده روحي بس سوي تنظيف لثه واسنا كبدايه واعتقد سعرها 200 درهم
وروحي مره صوب بسيل اللي فوق جاشنمال عيادة الانيس جربيه طيوووب

:22 (12):

صح …… بعد نصييحه لا تسيرين موراني اللي فوق البي اتش اس حرااااااااميه

يمصون فلوسج وكل شي غالي على احدث الاجهزه والخرابيط بس تعالي قولي حشوه طاحت ولا التركيب غلط ولا انتقدي شي تبين نصلح لج الغلط دفعي من يديد

عيل وين تنصحني اسير

الحين انا في بوظبي وبعدني محتاره وين اسير 600 عياده ولا اعرف شو الزين وشو الشين

بس تذكرت العياده السويديه وايد زينه فيها وحده اجنبيه وشغلها يمدحونه بس ما جربتها بس عموما الاجانب يشتغلون بضمير اكثر عن العرب
دقي الاستعلامات وشوفي وين مكان العياده فالعين لان ناسيه

مشكوووووره فديتج أم التوووت تعبتج ويايه