عمره 8سنوات ومحد قادر له فالبيت !

السلام عليكم .. خواتي ..ربيعتي تشتكي لي عندها ولد عمره تقريبا 8 سنوات..وهي مب قادره تسيطر عليه … محد يقدرله فالبيت(قولوا ماشاء الله) .. ماشاء الله عليه مايلس ومو مخلي احد فالبيت ماتضارب ويااه …وماخلى شي ماكسره ..دوم يتصرف بطريقة عنيفه… مادري شوالحل..اربيعتي تقولي فلانه دوريلي حل ..قلتلها كلمي استشاريه .. او شي.. بصراحه انا هب معرسه وماعرف مثل هالمشكلات كيف نحلها..؟؟ ياليت تعطوني حلول عشان اخبرهاا…

هلا الغالية
إذا عرف السبب بطل العجب …………
كيف يعامل الطفل في البيت .. هل يعامل بقسوة >>>> بالتالي سيتصرف بقسوة مع الكل
هل يتصرف بهذه الطريقة لأنه مهمل ويريد لفت الانتباه؟؟؟؟؟؟
هل هو في بيت مزدحم أي عائلة كبيرة ؟؟
هل يعاني من مشاكل صحية ((((((( توحد )))))) لا سمح الله
أظن الحل الأمثل بفتح حوار مع الطفل خاصة أنه في عمر ما شاء الله تقدرون تتحاورون وياه
ويبدأ بطريقة غير مباشرة ……
بالرسم أو اللعب
خبري صديقتك تتقرب من ولها علشان تفهمه يمكن تعرض لإساءة …
أنا تابعت برنامج رائع على mbc4 سوبر ناني وتعلمت من طرق تعاملها مع الأطفال .. قوليلها تقرأ عن كيفية التعامل مع الي فعمره أو اتابع برامج تستفيد منها..
الله يعين الكل..
أطفالكم أمانه

ماينفع كم مره حاولت تكلمة وتتفاهم معاه لكن للاسف مافي نتيجة ..
الحرمه تبغي حل مباشر.. ماتقدر تتابع البرامج لانه عندها شغل وعيال وبيت…
والولد مدلعينه اخر دلع ويمكن هذا سبب الي يخليه دوم مايسمع الرمسة وجي..

بنات الي عندها رقم استشاريه ولاحد متخصص بهالامور ياليت خبرني…