اش حالكم اخواتي…
ما اعرف كيف ابدأ بالموضوع…..
عمتي ام ريلي طيبه وتحبني وانا بعد احبها….بس انا اتضايق من شيء فيها مب زين……عمتي من النوع اللي يحب يتكلم عن الناس والعياذ بالله……يعني هي ما تطلع الاشاعات لاااااااااااا…هي بس تييب حجي وتنقل حجي……
بتقولون كلنا جذي…بقولكم لا
صح نحن الحريم ما نصبر من نقل الحجي….بس عمتي بزياااااااااااااده واااااااااااااايد…..وهي مسكينه تحب تسولفني وتخبرني فلانه قالت وفلانه سوت…وما شفتي فلانه ولا شفتي فلانه….يعني كل لحظه وكل دقيقه ايلس معها لازم تييب لي حجي….حاول اقولها ما علينا منهم…هم لحين يكسبون اجر ونحن نأخذ اثم…..كل مره اقولها جذي…..وفي مره زعلت وقالت ليش…..هو انا طلعت هالحجي؟؟؟..
اقولها انا لا بس ما له داعي نذكرهم…
وبعدين ردت ولا كأني قلت شيء…هالحرمه مب عوده وايد بس مريضه عندها مشكله بالقلب وعندها شكر…وانا اخاف اذا زعلت يصير لها شيء…وبنفس الوقت انا خايفه يصير لها شيء وهي ما جمعت اجر….يعني امي بنفس سنها ما شاء الله تسبيح دائم.تقرأ في اليوم جزء او جزئين من القران…..عمتي فديتها تسكن عندنا انا وريلي..واخاف ان ربي يحاسبني لاني انا اللي اقعد عندها…كلمت بنتها وقلت لها انا اشوف عمتي ما تسبح دوم زي الحريم اللي بسنها…وانا نصحتها وخفت تزعل اذا كررت عليها هالشيء…..واباج انتي بنتها تنصحينها…نصحتها بنتها…سبحت يوم واليوم اللي بعده خلاص رجعت للعاده القديمه…عمتي لا تقرأ ولا تكتب…مسكينه والله..,انا متوهجه..بعدها كلمت ريلي…وخبرته بكل شيء…قال انتي اكثر عن بنتها…وحاولي اكثر واكثر…قلت له لا الدور عليك…قال زين..نفس الشي سوت يوم وبعديت خلاص…انا لحين دايم والحمد لله اسبح واذكر الله وانا قاعده جنبها واحاول اغير مواضيع بس والله انه ما كو فايده……الله يهديها من النوع اللي تبحث عن الاخبار بأي طريقه…,تقول انا الاخبار توصلني بدون بحث……والله انا اكون عندها وهي تدق بالموبايل من فلانه الى فلانه وتقعد بالساعات…كله حجي في الناس..وعلى فكره هذا وانا اشتغل…يعني ارد من الدوام متأخر وبعدين انام…واحيانا اشوفها واحيانا ما اشوفها لانها تطلع زيارات للبحث عن اخبار يديده…..والله انا اتضايق من هالكلام واااااااااااايد…واستحي اني اقعد بغرفتي وتقول في خاطرها اني ما ابيها عندي..
..خبروني شو الحل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شو رايج تشتريلها شريط قرآن و أدعيه .. مثلا اذكار الصباح و المساء تشغلينهم فـ البيت .. سبحان الله بعد فتره بتتعود بروحها وما بتصبر بدون ما تسمعهم ..
و قوليلها تعالي نحفظ ايات و نشوف من يحفظ أكثر .. حاولي انها تحفظ و انتي تسمعيلها و علميها قراية القرآن ..
..
وذكريها بعقوبة النميمة و ونقل الحجي عن الناس
وامج طبق الاصل امي اتقولين اللي يتكلم انا؟!!!!!
اتصدقين انا ما ايلس ويا عمتي وايد يعني يمكن فالاسبوع مره معني يالسه وياها في نفس البيت بس انا من النوع الانطوائي وابصرااااحه ما احب ايلس وياها لأنها وااايد اتحش بالناس وانا ما احب هالطبع،،صح ان انا يوم ايلس ويا اهلي نتكلم بس مب شرات عمتي يعني نتكلم عادي..!
انا اقول حبيبتي دوووم ذكريها بالموت بس بطريقه حلوه احس هالشي الوحيد اللي يخليها تتغير وقوليلها ان الانسان محاسب على كل كلمه صغيره وكبيره ويبيلها احاديث وقوليلها شو يستوي بالواحد لما يتكلم بالنميمه وبشو يتعذب،، يمكن تتغير؟!
والله يهديها ان شالله..
خذيلها جزء من القران وقوليلها عموه انا متبرعه احفظج ايه ايه … وريحي بالج وحصلي اجر الغاليه
اختى وديها وياج لمحاضرات الى تستوى فى المسايد او البيوت او فى المراكز والله يهديها ويهدينا ان شاء الله