عمتي واختي وعريس الغفلة

أنا صاحبة هالموضوع نزلته قبل كم من يوم

https://forum.uaewomen.net/showthread.php?t=457768

حابه اقولكم شو صار

طبعا خبرت امي بالموضوع وعصبت وقالت يوم هم مب جادين بالموضوع ليش ادق الصدر وما تخلي احد ما تطري جدامه

المهم عمتي قبل كانت تقول بعد انا ما بستحي منكم بس خاطري في اخوج ياخذ وحده من بناتي ما شاء الله عليه ريال والنعم يعني اتلمح

سرت بيت عمتي وانا يالسه كان تقول اسمحيلنا يا ام زايد ترا كل شيء جسمه ونصيب كان حرمة حميي الثاني تضحك ما تحملت شماتتها كان اقوول لا عادي اصلا انتوا ما خطبتوارسمي من بيتنا ولا نحن خطبنا رسمي من بيتكم يعني باجر مثلا لو اخووي سرنا خطبناله بتزعلووون ؟؟؟ هذا كلام عييز ما حطيناه في بالنا… ولو طلعت عروستكم غاويه بنخطب نحن بعد من بيتهم ليش لا …

والا يقومن حمياتي ويسيرن حجرتهن وعمتي لوت بوزها

الحين انا غلطت في شيء

لايالغالية ماغلطتي الزواج قسمة ونصيب
يمكن هي حطت في بالها إنها غيرت رايها في إختج سرتوا وإنتوا سويتوا نفس الطريقة
( يعني وحدة بوحدة)
الله يكون في عونج

والله عرفتي تردين عليهم عدل عشان المره مايرمسون بشي وهم مب قد الرمسه زين سويتي فيهم والله يهني ولدهم ويرزق اختج الزوج الصالح الي يسعدها يااارب ويرزق اخوج الزوجه الصالحه الي تسعده يااارب….. اسميج حرقتيهم…

عاااادي لا غلطتي ولاشي زين سويتي فيهم يستاهلون انقهرت منهم الصراااااحة

الصراحه لا غلطتي ولا شي حطو أختج فأحلام و ما خلو حد ما خبرووه زين سويتي

من جد…
كلامك عداه العيب…صح هي عمتك بس الحق حق..
كان الله فالعون