انا طالبة في جامعة زايد، وان شاء الله عالسمستر الياي بتتخصص
المشكلة .. حد يقول درسي اللي تبينه وما عليج من حد ..والوظيفة بتحبينها
وحد يقوووول .. درسي شي بتحصلين له وظيفة راقية محترمة وراتبها عالي .. >>اهم شي -___-"
وانا ويا هالموضوع من سنتيييييين ..خلاااااص لاعت جبدييييي..
المهم.. اللي اباه كلية Art وبالتالي بصير مدرسة.. يعني اعدادية جي او فوق الرابع ابتدائي..
.بس في ناس مش عايبنهم سالفة اني اصير مدرسة.. بهدلة وجيي .. ومن ناحية ثانية الراتب ما بيكون ذاك الزود ..
بس ما ظني طول حياتي بكون مدرسة…@@ انا وحدة تحب التغيير .. يعني قولو 10 سنين بس >>> خلصت حياتي ..شو باقي !
يصير اخذ دورات -اي شي- واشتغل مكان ثاني..يعني اذا بغيت اغير شوي من نمط حياتي؟؟
حد منكم يعرف كم رواتب المدرسين…ادري انه يختلف من مكان لين ثاني.. ممم عطوني كذا مدرسة .. خاصة وحكومة..في العين
حاليا انا مسجلة في كلية الـ communication and media
مع انه قالولي انه هاي الكلية حق ناس يرمسون ويتحركون ..يروحون وييون.. صح هالكلام؟؟..>>>امحق.. منو بيخليني اظهر.. روحة وييه !!
ماعرف شو بشتغل بس.بيكون مطلوب صح؟ حد عنده فكرة؟؟
SO
ابا رااايكم يا جماعة الخير
والراتب في الامارانت الشمالية تقريبا 15 الف لغير المتزوجة
وطبعا بوظبي الراتب يكون اعلى بوايد
عن نفسي انصحج تدرسين اللي اتحبينه،، والراتب مهم صح بس رواتب المدرسين مب اخرطي،، هذا غير انج ممكن ادرسين بروحج في البيت او تشتركين في نوادي نسائية او مراكز خاصة بالحريم وتعطينهم دورات
وبالنسبة لدراسة الكمينيكيشن ،، انا خريجة هالتخصص وداخل في شوية آرت أظن خصوصا عندكم في جامعة زايد ،، والتخصص حلو بس محتاي وايد طلعه ودخله وساعات طويلة برا البيت ،، فإذا عادي عندج توكلي على الله
بس ارد واقول إذا في مجال تدرسين اللي اتحبينه "جو أهيد"
وموفقة ان شالله
نصيحه من مجربه .. انا للأسف دخلت تخصص مب من ميووليه ابدا ابدا .. وتندمت اشد الندم و اتلعوزت و اتبهدلت الصراحه
فانتي شوفي ميولج … لحد يقولج الوظيفه و سوق العمل .. لان اغلب الوظايف هذا اذا مب كلها بالواسطه
و صلي استخاره .. والله يوفقج ان شاء الله
المشاركة الأصلية كتبت بواسطة عالية الغالية 
والراتب في الامارانت الشمالية تقريبا 15 الف لغير المتزوجة
وطبعا بوظبي الراتب يكون اعلى بوايد
مشكورة الغالية عالرد ^^
هممم انزين في العين ..ما عندج فكرة؟ تعرفين شي عن مدرسة الامارات الوطنية؟؟