وامس كنت مسويه مندي لو داريه كنت صورته لكم بس ان شاء الله يعجبكم
اول شيء تجيبين سواء لحم او دجاج وبعد ما تنضفينه طبعا تحطينه في ماء وتسلقينه وتحطين معه بهارات صحيحه
مثل ( هيل . قرفه . مسمار . ورق غار . وحبة بصل تقطعينها ارباع . وحبتين فلفل حار )
وتخلينها لغاية ماتستوي سواء اللحم او الدجاج وبعدين تنقعين الرز اللي موجود عندك وتطلعين الدجاج وتحطينه بصينيه وتأخذين زبديه صغيره وتحطين فيها شوي زيت حوالي ملعقتين وتحطين نص ملعقه كركم ووفلفل حار مطحون وشوية ملح وبهارات مشكله اللي موجود عندك بس تكون مطحونه وصبيها ع الدجاج او اللحم بس خليها تتوزع عليه زين ودخليها الفرن
بعدين اكبسي الرز ع نفس مرقة الدجاج وخليه لغاية ما يستوي الرزوحطي في طرف الرز الصبغه الخاصه بتلوين الرز
اي اللي تعطي لون للرز
وقتها يكون انتي حاطه فحم ع الناار وخليه لغاية ما يشتعل زين وجيبي فنجان قهووه صغير وحطي فيه زيت وحطيه في نص الرز وحطي الفحم فيه وع طول غطي القدر وخليه فتره 10 دقايق وحاولي ما يطلع البخار من القدر بحيث يحتوي القدر البخار كله
وبعدين قدميه مع سلطه حاااره او سلطة خيار باللبن وبس هذي الطريقه فديتكم
ان شاء الله اكون افدتكم وتعجبكم طريقتي ويكون شرحي واضح لكم
واذا سويته مره ثانيه راح اصوره وانزله لكم باذن الله
دعواتكم لي