اشحالكم يا حلوات … ان شالله اوكيك ….
انا حبيت افتح هالموضوع للنقاش….
وهو تأثير الحياة الأسريه العائلية بالنسبه للاطفال طبعا يوم بيكبرون ويعرسون على حياتهم.. يعني مثلا انا عندي ربيعتي وااااااااايد تشتكي من قسوة امها سوا عليها او على ابوها واخواتها…تقول احسها تكره ابويه ما ادري ليش واترد تستغفر لا مب معقوله كيف امي بتكرهنا ما يستوي..
تقول من معاملتها لنا واوقات لما تقعد ترمس ويانا … انا ربطت الموضوعين وعرفت انه ها كله نتيجة اللي مرت به يوم صغيره .. وكيف كان ابوها قاسي عليهم ( اللي هو يد اربيعتي) اتقول كان من ما معناه انه صايع شوي .. يعني كل يومين يودرهم وياخذ وحده .. يتم وياها فتره ما تزيد عن شهر ويطلقها .. ووايييييييييد كان مهملنهم … وكانت النتيجه انهم كرهوه .. لكن ابوهم ما يقدرون يسوون شي..
ولما امها تزوجت ..قررت تنتقم منه.. ف منو فــ ابويه .. دايما تحتقره لو شو سواا مول ما يترس عينها .. لو اي شي يستوي لنا .. تقوله كله منك وما ادري شو .. يعني مول مب مستحملتنه ..لكن هو عشانا نحن عياله ما يبانا نضيع …
المهم انه ها كله كان تأثير حياة اسرتها ع تربية عيالها ..وحياتها الخاصة
ابا كل وحده فيكن يا بنات اذا مرت بشي من هالقبيل سواا كان سلبي او ايجابي ….
والمعرسات هل تشوف فعلا انه حياتها ويا اهلها أثرت عليها وعلى حياتها ويا عيالها وريلها ..
واتمنى الكل يخبرنا عن تجاربه عسب نحاول اذا كانت سلبيه نتفاداها وان كانت ايجابيه نطبقها عسب ما يأثر علينا وعلى عيالنا فالمستقبل …
والسموحه