اشحاااالكم يا امهاااااات احلى كتاكيت 
انا استعمل عطر بربري للاطفال لولـــدي و بصراااحه ريحته خبااااااال و وايد حلوه و باااارده
بس مليت 
,, هو حلو ومابا اغيره بس بعد التنويع حلو و ابا اجرب غيره
لان من انولد ولدي و انا اشتريله هالعطر ,, وماعرف اذا في عطور تناسب الاطفال من ماركات ثااانيه !!
اللي تعرف اي عطر ثاني ياريت تخبرني و نساااعد بعض و نتبادل الآراء و منكم نستفيد
و للي ما تعرف عطر بربري بحط لكم صوره
و سعره تقريبا 220 درهم لاني اخذ الشنطه كامله اللي فيها العطر و الكريم و الشاور جل و ريحتهم بعد روووعه ,, واعتقد العطر بروحه سعره ارخص بشوي ,, يعني الفارق بسيط فأنصحكم تاخذون الطقم كااامل ,,
لا تبخلووون علينا يا حلواااات بمروركم
المشاركة الأصلية كتبت بواسطة نور_U.A.E 
هلا الغاااليه
حتى هالعطر خالي من الكحول alcohol free
لان مسواي للاطفال ,, و انا من ولدت استعمله لولدي يعني من 5 شهور تقريبا وما سبب له اي حساسيه ,, يا حظج انا ما اعرف حد يسوي عندنا عطور لليهال
تسلمين حبيبتي على هالطله الغاويه
المشاركة الأصلية كتبت بواسطة ؛؛ضما حبك؛؛ هلا حبيبتي
يباالنا عيل نجربه مشكووووره
بس ينباع في بوتيكات بولغري والا اقدر احصله في مثلا ساكس فيفث افينيو او هارفي نيكلز ؟؟
ريلي خذاه من فرنسا بس اكيد فيه هني،،
وهي صورته
وعطر فلورنتينوو من ماركس سبنسر مب للاطفال بس ريحته وايد حلوه وهاديه اعطربها ملابس ولديه قبل لا البسه وكل خواتي يستخدمنه ل عيالهن من سنين
وهاي صورته
المشاركة الأصلية كتبت بواسطة نبض ريلي ربي يحفظ لج بنوووتج و تشوفينها احلى عروووس يا رب
المشاركة الأصلية كتبت بواسطة الصداقه ريلي خذاه من فرنسا بس اكيد فيه هني،،
وهي صورته
وعطر فلورنتينوو من ماركس سبنسر مب للاطفال بس ريحته وايد حلوه وهاديه اعطربها ملابس ولديه قبل لا البسه وكل خواتي يستخدمنه ل عيالهن من سنين
وهاي صورته
تسلمييين فديتج
هيه صح شكله هذا عطر بولغري لاني دورته توه في النت و ما حصلت غيره فأكيد هو هذا
و العطر ثاني ينفع لبيبي عمره 5 شهور ؟؟ ما تحسين ثجيل عليهم والا عاادي ريحته خفيفه ؟
و مشكووره على الصور
يبالنا نسوي شوبنج