شحالكن خواتي ؟
اليوم بخبركن عن تجربتي مع عطر روعة واايد حبيته وريحته مميزة وخصوصاً مع الدخون خباآل ^_*
و بعد غرشته راقية وجميلة .. يوم يشوفونه عندي يقولون الغرشة بروحها كم تسوى لول 
اسم العطر DAISY من marc jacobs
عندهم 3 انواع نفس الشكل لكن الروائح مختلفة .. الشفاف والأسود والفضي
الشفاف اللي وروده بيضا هذا تواليت (مخفف) يعني ريحته هادية وبارده
الأسود اللي وروده ذهبية هذا بيرفيوم ريحته اقوى ومركزه
الفضي اللي عليه ورود ذهبية بعد بيرفيوم لكن ريحته احلى عنهم رهييبة =)
وهذا اللي انا ماخذتنه من مطار ميونخ بس دورته في النت لين ما عيزت وما حصلته وآخر شي صورته بروحي .. يمكن كان ليمتد اديشن لني ما شفته الا في المطار !
:
:
همسة [ كل وحده لازم تتروح العطر قبل ما تاخذه لأن الناس أذواق واللي يعيبني أنا يمكن ما يعيب غيري ! ]
ان شاء الله تستفيدون من تجربتي وبالذات العرايس المحتارين في العطور
والسمووحة ع القصور ^_^
المشاركة الأصلية كتبت بواسطة الدرر 
تسلمين الغالية