من شويه سويت عجينه السمبوسه بطريقتي كان خاطري فيها ماعندي العجينه فقلت بسوي بطريقتي
مابطول عليكم
المقادير
كوبين طحين رقم واحد
3ملاعق سكر
رشه ملح
ملعقتين نشأ
ملعقه بيكنج باودر
نص كوب سمن
ماي دافي حسب العجينه
الطريقه
طبعا الطحين منخول ونضيف معاه باقي المكونات ونخلطهن مع بعض ما عدى السمن والماي اخر شي
بعد ماخلطنا المكونات الاولى
نضيف السمن والماي دافي ونعجن لين تصير العجينه طريقه ماتلصق بالايد واذا لصقت تضيفين طحين
ماي يحتاي تخلينها ترتاح على طول سويها
الحين انيي ونقسم العجينه لاربع دواير
وناخذ وحده ونفردها فرد لين تصير شرات عجينه السمبوسه
ونقطعها بالطول شرايح شرات المستطيل انشاءالله فهمتوا
طبعا بتكون وايد طويله وانتي تفرين بتطول زياده وقصيها بالوسط
المهم خذي وحده من الشرايح ولفيها شرات ماتلفين السمبوسه او تقدرين تسوينها مثل الاصابع تلفينها
المهم تكون العجينه رقيقه لما تفردونها
مايحتاي ماي وطحين عسب تلصقين اطراف السمبوسه على طول لفيها ورصيها بالاخير عدل عسب مايظهر الحشو
الحشو كيفج تبين جبن او اي حشوه على راحتج
بعدين تقلينها والزيت طبعا ساخن
واتحدى اذا ماعيبتكم الطريقه لانها تطلع مقرمشه واحلى من الجاهز حتى اختي واخواني تخبلو عليه يقولو مايتحاي نشتري العجينه لرمضان
خخخخ
اكييييد بتقولوا يبالها واااااااااااايد
لابالعكس احسها سريعه
هذا اذا كان خاطرج بالسبوسه وماعندج العجينه موجوده بالبيت تقدرين تستخدمين هالطريقه
واييد تكلمت
المهم اي استفسار انا جاهزه
وادعووووووووووووووووووووولي انشاءالله يرزقني باللي اتمناه والسموحه خواتي ماحطيت صور لاني من اليوع سويتها واخواني هجموا عليها ماخلوني اصور
بالعافيه عليكم خواتي ومبروك عليكم الشهر الفضيل ينعاد علينا كل سنه