انا من كثر ما شافت المشاكل اللي هنا وكثر ما قريت بس ماشي مشكله مشابهه لمشكلتي
ولو كانت موجوده ماكنت بكتب مشكلتي
انا بنت عمري الحينه في بداية العشرين …
مريت بتجارب ماعرف شو اقول عنها بس مااتقبل اي رد جارح انا اعرف ان الموضوع كبير …
بس مااتقبل اي رد جارح واللي عندها مثل هالردود لاتكتب….
وانا ما كتبت الا لاني ابي حل لمشكلتيمب عشان حد يزيدها…
فالبدايه انا لما كنت اول اعدادي دخلت عالم يديد
كنت اشوف كل بنت مع وحده تمشي اسألهم ليش هاي تستحي والصدمه " قالوا هاي تمشي ويا حبيبتها "
انا انصدمت وسكت فنفس الوقت
:" ويا الوقت الحاسم وجان اتي عندي وحده مااعرفها وانا كنت مشاغبه وكلي حيويه وسوالف وضحك قالت ابا ارمسج قلتلها شو عندج " وعرضت عليه " فاهمين شو اقصد ؟
وانا عصبت ونازعتها فنفس الوقت وجدام البنات وسارت
البنت كانت طيبه وفنفس الوقت انا ما كنت اتقبل هالامور
المهم انا دخلت هالدرب ومع هالبنت بعد و ودرتها وكل ما ادور وحده تطلع وحده
وكل ما اودر وحده تطلع غيرها وعلى هالحال ولين الحينه وانا مثل ماقلت الحين عمري فبداية العشرين يعني تتخيلون كم سنه ؟ اكثر من 8 سنين
وانا ورا هالسوالف ..
يعني اعتبر عمريه ما عشت شرا كل البنات وضيعت سنين وانا ورا شي مايسوى
اعتبر عمريه فاشله وساذجه وضميري أنبني لين الموت بعد .gif "12 (8)")
لاتقولون وين دور الاهل .؟
اهلي ماقصروا ويايه بالعكس كل اهتمامهم كان لي انا مع انه كانن شي اصغر مني بس كنت انا الدلوعه
كانن طلباتي مجابه وكل شي ..
لاتقولون هذامن فراغ انا مستغله الوقت عدل اشتركت فنوادي الفروسيه ومراكز تعليميه كبيره وتعرفت على بنات وقصدي انه بس نكون ربيعات بس هن يطورن الامور معاي وانا انكسر وارجع شرا قبل ..كنت ادور ربعة البنات الخلوقات لكن ولا مره اسعفني الحظ
""من سيء الى اسوأ ""
يتني فتره كل مكان فيه بنات اتجنبه لازم تطلع وحده فويهي ولاتقولون انا اللي كنت أبدا
هن كانن يبدأن وياي وانا اتقبل عقب
تغيرت حياتي حسيت بالكآبه وتعبت نفسيا وايد وللحين انا اعاني من هالشي
ابا اودر هالسوالف بس محد يساعدني ومااعرف كيف ابدأ تعبت احس اوقات اني منتهيه للابد
مااقدر اصارح حد بهالشي لان اعرف ان السمعه بطيح
تعبت من كل شي وكل مايمر يوم احس انه الحياه تستوي اسوأ من قبل
للعلم انا مب بوي ولحد يفهمني غلط انا كتبت لاني ادور حل
واتمنى فعلا اني القى الحل هنيه لاني ابا اتغير ابا اتغير ابا اتغير للابد
اي رد جارح بطلب حذف الموضوع واذا موضوعي فيه كلمات سيئه انا اسفه
السلام عليكم ورحمة الله وبركاته
عزيزتي / بنوته ..
ما تمريين به .. قد تمر به عشات من الفتيات ..
ولكن القويه من تعلم ان هذا الامر غير مشروع وتحاول ان تبحث عن أقرب حل لمشكلتها ..
وهذه ما فلعتيه انتي عزيزتي .. هذا يدل على انك فتاه طيبه وفيك بذرة الخير ..
التي لا توجد في كثير من الفتيات من يقعن في هذه الامور..
وهذه ان دل .. دل على الضمير حي فيك .. ولا زال يبحث عن منفذ لراحته ..
فبشري عزيزتي .. بالخير .. مادمت .. تجدين ان هذا الامر والطريق غير صحيح ..
والآن بعد ان عرفتي ذللك
يجب ان تضعي خططك لتبدئي حياتك من جديد ..
براحة بال مثل غيرك الفتيات الحسناوات بأخلاقهن ..
فأنتي لا ينقصك أمر حتى تكوني من كوكبتهن ..
ولا تتهاوني.. وتكوني ضعيفة لرغبات الشيطان ..
ورغبات النفس السيئه ..
أعلم انك تستطعيين ذلك فقط شدي الهمه .. واستعييني بمن لا يرد طلبك .. ولا يرد دعوة التائب الصادق..
عزيزتي ..
التوبه الصادقه ..
وعلاقتك بربك .. هو السبب الاول الذي سيجعلك تبتعديين عن هذا الطريق..
ثانيا .. الصحبه الصالحه ابحثي عنهم فهم كثيرات ..
لا تتهاوني عن هذا الفعل..
يحسبونه هين وهو عند الله عظيم
تذكري فقط لربما توافك المنيه بعد عمر طويل وانتي على هذه القصص .. فكيف تقالبيين ربك ساعتها ..
اسأل الله لك ولنا الهدايه
حفظك الرحمن
الله يهديج حبيبتي..
دوري الرفقة الصالحة…واكيد بتلاقين بعدها الدنيا فيها خير..والبنات الصالحات معروفات ..دوري وبتلاقين
وهدي صاحبات السوء
واهم شي اتقربي الى الله بالطاعات والصلاة ..وقيام الليل..والدعاء
والله يفرج همج يارب
والله يحفظج من رفيقات السوء ويحفظني ..