اشكر اختي وحبيبتي نور الوجود بانها اعارتني اسمها المستعار لاطرح مشكلي
اللي مافيني اصبر انتظر تفعيل واحد ثاني حتى اطرحها
بنات انا نفسيتي وايد وايد تعبت .. مشكلتي اني مطلقه من واحد كنت انا وياه ( قيس وليلي)
بنات كنا نحب بعض من قبل العرس وخطبني وتم كل شي وعرسنا عشت وياه اول سنه مثل السمن ع العسل الكل كان يحسدنا ع الحب اللي بينا ،، ثاني سنه بدت المشاكل تطلع وبدو اهله يخربون حياتنا الين ادخلو ف خصوصيتنا وصارت مشاكل وايد كبيره ودخلو الاهل فيها وصار الطلاق 
بنات ما اكذب عليكم اني اطلقت منه وانا للحين اعشق ترابه ومتاكده مليون بالميه هو بعد ،، مب قادره انساه ولا انسى اللي كان بينا
حملت منه بس للاسف سقطت ويمكن خيره لنا .
بعد سنه من طلاقي وبعد العذاب النفسي اللي اعيشه تقدم لي واحد واهلي من دون لا يسالوني طبعا وافقوا بحكم شو (( اني مطلقه )) ،، بكيت دددم ،، انا مب قادره انسى طليقي كيف بعيش مع واحد ثاني ،، بس كنت اقنع نفسي انا الثاني بينسيني طليقي
تم الزواج ومن اوووووووول يوم بدت (( المقارنه ))
بنات زوجي الحالي يختلف تمااااااااامااااااا عن طليقي
بنات طليقي كان حنووون ،، رومنسي ،، كان معيشني حياه ورررديه كان يحبني مثل ما انا كنا عايشين وكانه نحن الثنين ف العالم بروحنا كانت طلباتي اوامر ،، يغاااار علي بدرجه فضيعه مايرضى علي ودمعتي غاليه حتى لو انا اللي زعلته يراضيني ،، لحظه ما كان يخليني ،، لدرجه اقوله خلاص اظهر رووح المكان اللي تباه يزعل يقولي تبين الفكهه مني ،، ٢٤ ساعه ويا بعض وما نمل من بعض
اما ريلي يا بنات عكسسسسسسه تماما ما اهمه بكيت ولا مت ،، ٢٤ ساعه برع ومايشوفني الا ف الليل ما اظهر وياه مكان كله ما يغاار ابدااا يعني عمره ماحسسني اني مهمه بالنسبه له عمره ما قال لا لاتسوين هالشي غار بنات يعني ابا انسى طليقي قمت اذكره اكثر عن قبل
استغفرالله المقارنه وصلت لابعد الحدود حتى ف الفراش
والله ان قلبي يعووورني ومب قادره اتحمل اكثرررر
وادري بتعلقون ع وقت طرحي للمشكله بس مب قادره يا بنات والله مب قادره
وانا اسفه لو كانت المشكله جريئه شوي بس سامحوني
ابا مساعدتكم 
على الاقل يوم عرف انج بتملجين وبتعرسين وينه هو ا تحرك فيه طرف؟
كنتوا ازواج تحت سقف واحد كيف قدر يتخلى عن هذا كله اذا كان يعشق ترابج نفس ما تقولين؟
اسمحيلي حتى لو انج انتي اللي طلبتي الطلاق المفروض ما كان يتخلى عنج ويشوفج سايره لواحد ثاني وهو يطالعج
عيل وين الغيره العمية ووين ووين ؟!!
غناتي
ماحد بيتعب بهالدائرة الا انتي
انقذي نفسج
وشوفي حياتج
وانا برايي اشجعج بقرار الزواج لان فعلا لقب كطلقة مثل رصاصة الاعدام بمجتمعنا
والحين ما عليج الا انج تعيشين الحلم اللي كل وحده ودها تعيشة
وهو الامومة
وبالاخير اغلبيتنا عايشات بعيشة قد نكون رفضناها بالبداية
ولكن بالاخير تقبلناها وعقب حبيناها وما نستبدل حياتنا الحالية ولا بكنوز الدنيا
وعسى ان تكرهوا شيئا وهو خير لكم صدق الله العظيم
قبل كلشي .. مسالة الزواج والطلاق قسمة ونصيب …كذا من الله
الشي الثاني
اختي حاول تنسين طليقج … خلاص طلعيه من بالج
هو لو ميت على ترابج ماكان تخلى عنج
كان بيتحدى الكون عشانج .. بس هو رضى ببعدج
وطلقج … وطلقج معناتها انه متوقع ان مممكن تكونين لغيره فاي لحظه
الحمدلله انج تذكرينه بالخير وهو ان شاءالله يذكرج بالخير
تسريح باحسان
طلعيه من راسج دامج متزوجه … ﻻنج ماراح اتيبين لنفسج الا الكآبه
ربي رايد لي غيره؟ الحمدلله اكيد لسبب
نجي لموضوع زوجج الحالي ….
اختي حبيبة قلبي هالريال خذج ع سنة الله ورسولة
وخلاص صار زوجج
مب شرط مايغار يعني مايحبج .. يمكن تربيته تختلف
او اهتماماته ونظرته تختلف و طليقج يمكن اهله محافظين اكثر
فهالشي غالبا يكون مرتبط بالبيئه اللي عايش فيها
موضوع الفراش … حبيبتي كل ريال له طريقه
مثلا تشوفين وحده ريلها ينجذب لشي معين بينما الثانية لشي آخر
واتمنى انج ما تقعدي تقارني .. لانج كل نا قارنتي
فانتي قاعده تهدمين حياتج معه
وبتوصلي لمرحله ممكن انج ﻻقدر الله ما تطيقين تعيشين معه
انصحج حاولي تتعايشي بقد ماتقدرين مع زوجج
وحاولي تحبيه وتسويله و تكلمينه كلام حلو
انتي بادري ولا تياسي ….
وايد حريم ازواجهن مايعرفون الحنان ولا الرومنسيع
ولا يركبون كلمتين حلوين ع بعض
بس بادرن وتم كلام الحب مثل حبيبي عيوني غناتي الخ… مايفارق لسانهن
وازواجهن تعلمو منهن
اما لموضوع السهر والطلعات وجيه
انتي بالبداية غيري من نفسج وحاولي تحبي ريلج وتبيني له حبج
وانج حمدتي الله ان هالريال صار لج ومن هالكﻻم صففي له
يمكن ف البداية مايحس بس عقب بياثر فيه مثل مايقولون كثر الدق تفك لحام
واي شي ماعيبج منه او تبين شي منه
قوليله … حتى اي شي ف فراش قوليله من حقج
صارحيه صيري شفافه معه بس باسلوب حلو
الله يسد سدادج يارب
ويوفقج فحياتج يالغالية باذن الله تعالى
ويسهل امرج لما يحب ويرضى
حبيبتي الله يعينج ..غناتي عادي انج تحسين عمرج مضايجه و محتاره تراج بشر و عندج قلب لكن الماضي راح و الحاضر بين ايديج ابني منه مستقبل يخبل و لا تضيعين وقتج تصيحين ع إنسان خلج تولين و ولى هو بعد!
ريلج الحالي هو مشروع هناج و سعادج اشتغلي عليه و ابني لنفسج قصة نجاح باقلامج و الوانج .. و متاكده انج بتبهرين ريلج و بتستانسين
اتمنالج كل التوفيق حبيبتي
الي اهداج لقب مطلقة
مايستاهل يكون نعال بريولج
قالت حب قالت
والله لو عندج طفل منه ان كان يهذلج وياه ومرمطج