ولدي عمره سنة وشهر
وما يشتهي الاكل ويرفض
أنا أركض وراه بالصحن من مكان لين مكان
وهو مش راضي
ممكن تساعدون وتقترحون علي جدول
للافطار والغذاء والعشاء
يعني باختصار شو تعطون عيالكم؟
انا مريت بنفس الحاله بس طبعا مو ولدي ( بعدني ماتزوجت ^_^) بس اختي كانت اتعاني ن ولدها نفسج..
وبعد ماراجعت طبيب الاطفال في المانيا قالها هذا الشي جدا جدا طبيعي ماله داعي تخافون لانه الاطفال لو ياكلون ملعقه وحده ولا ملعقتين بعد تكفيهم … وقال بعد غلط انكم تجبرون اطفالكم على الاكل لانه بعد فتره بيكره الاكل ..
فنصيحتي لج اختي .. انج اتخلينه على راحته يعني حاولي عالاقل اتاكلينه لو ملعقتين كفايه بس طبعا عوديه يشرب عصاير ولا حليب عشان يعوض عن الاكل ..
وشكرا
خليه يجوع وبتشوفينه يدور الاكل ، وبعدين يوم بتحطيله في الصحن حاولي لا لالالالالالالالالالا تترسينه لان الطفل
ما يحب يشوف الصحن مليان ، لانه يحس انه غصب لازم ياكله كله ، لو خلص الي في الصحن حطيله غيره
ولو ما تقبل الوجبات الرئيسية عطيه فواكه مقطعه او خضروات
يعني قطعي في الصحن انواع الفواكه وخليه بروحه يمسك الي يباه وياكله ، بس بالمقابل لا تعطينه حليب وايد
في البداية صعبه عليه لانه تعود على الحليب بس انتي صبري