تحيدون موضوع هاذا؟؟؟
https://forum.uaewomen.net/showthread.php?t=483313
المهم.. شوفو العذاب الي عيشوني فيه أهلي.. لوعولي جبدي و قلبولي حياتي فوق تحت.. صدقوني يا ناس.. أنا لو قالولي بنزوجج بقول موافقه لأن أهلي أنا مب ماخذه منهم لا حق ولا باطل..
عافانا الله و كأن ماشي ثقه.. خاطري أفهم شي واحد منهم أبا أقوللهم بس أنا ما أبا أدخل في متاهات وياهم لأنهم متعصبين " فكريا"..أحينه خلي يقولون عادي.. بعد شوي بيسووون اجتماع مغلق و بيتغير الكلام " في لحظة" و بيقولون ليش؟؟ ولا لأ و ما يصير و خلو عينكم عليها .. " ليش!! أنا جد غازلت ريال ولا يبتلهم مصيبه في يوم من الأيام!!" يوم ما تبون ليش تخلوني أشتغل؟؟؟ زوجوني أحسن يمكن الي ياخذني إنسان عاقل أعرف أتفاهم وياه أو ايلسني في البيت أحسنلي و اكرملي و أحفظلي
الحمدلله أنا بنت ومربايه وما عليي قصور و ملتزمه والدليل اني ما أبا أداوم في أماكن مختلطه عشان ما أنجرف و أتم محافظه على نفسي..أمي مصره اني أشتغل في مكان مختلط .. و كأن الوظيفه بتطير تباني أشتغل أي شي.. عمركم سمعتو بنت جامعيه تشتغل " سكيوريتي" !!!!! هي تقولي سيري اشتغلي عادي مافيها شي..أحسها مثل الي تبا تفرني أي مكان المهم أشتغل.. حراااام والله حرام الي يسوونه فيني
و المشكله ان أمي تتكلم و ترمس جدام الحريم يوم أروح وياها " ترا محصليلها وظيفه في الجوازات و هي مب طايعه تروح" .. و أنا في خاطري أنقهر "أمي والي يعافيج اسكتي أنا ما قلت ما أبغي بس ارحميني كيف أهون عليج أنا بنيه تبيني أبات برع البيت" و كله تتشكى تقول مب طايعه هاي .. بس الحمدلله كلهم يوقفون في صفي و يقولولوها يوم هي ما تبا انتي ليش تجبرينها؟؟؟ هي حره تختار الي يريحها.. و نفس الشي مازالت تتكلم و ترمس جدام الحريم " فشلتني"
والله اني أنا كتبت سالفتي و أنا أصيح من القهر.. تعبت منهم ما يعرفون يقولون لي تعالي يلسي بنرمس بهدوء " كله يصارخون و يتضاربون و أنا ما أتحمل".. من متى و أنا أقوللهم أبغي أداوم في مدرسه ويا الطالبات ويا المدرسات ..مافيني على مجابل الريااايييل و الحشره و القرقره الي مالها معنى يكفي اني متعقده من الإختلاط " أكره الرياييل ما أدانيهم في الشغل بس لا تخلوني أدعي عليهم لأنهم يتبطرون على الحريم في الشغل"
خواتي والله أنا وايد تعبانه و وايد أعصب عليهم و أنا ما أتحمل أعصب بسبب ظروف صحيه .., يوم أنفعل يتم راسي يعورني و ذراعي تنتفخ.. وهم ما يصدقوني يقولون لي أونه ما فيج شي " كيف ما فيني شي " عافانا الله همج و جني أنا دبشه عندهم ما يحسون فيني
الله يعينك
بس هاذيل اهلج واتحمليهم واصبري ان شاء الله يرزقج بالريال الصالح اللي يفهمج ويقدرج
ولا تعصبين كل قولي حاضر وان شاء الله ولما يهدون كلميهم واحد واحد او امج حتى يفهموج ويقدرو وجهة نضرج ….
واذا في شغل مو عايبنج حاولي تكلميهم عن الشغل كلميهم في شي سلبي عسبت تكرهيهم في الموضوع .؟….
اهم جي خلج ريلكس وخلج بارده ولا تعصبين
مو كل الاوقات تكوني بارده
والله يسخر لج اهلج ويحاولون يفهمونج
والله يعينك
طولي بالج شوي
وإن شاء الله بتحصلين الوظيفة اللي خاطرج فيها
قولي يا رب
تمسكي بدينج ومبدأج ..
والله بيفرجها عليج .. لانه اللي يترك شي لله عوضه الله خيرا منه
" ومن يتق الله يجعل له مخرجا ويرزقه من حيث لا يحتسب …"
وعليج بالدعاء … والبقره
وحاولي ترمسين اهلج باسوب هادي … وحاولي تقنعيهم ..( لانه الجوازات سمعتها رايحه )
الله اييسر أمورج و أموري وياج ..