₪ ₪ ₪ طريقهـ صنعـ العود المعطر ₪ ₪ ₪

حبيت بموضوعي هذا اني اشاركن خبرتي في العطور والبخور

طبعا انا من النوع اللي اموت بشي اسمه عطر او بخور وتوابعهن

وطبعا بخوري من عود معطر ومعمول من صنع ايديه

حتى ريلي خليته بنفس الاجواء

وصار ما يتبخر الا ببخور انا اسويه له

وحتى عطوره انا اخلطهن له

طبعا الكريمات واللوشنات هاذيل لهن موضوع ثاني

نرجع لموضوعنا

العود المعطر

طبعا مب كل الناس تحب العود المعطر

فيه ناس ما يتبخور الا بالعود الخالص

هذا نتركه للضيوف وللمناسبات

اما استخدام العود المعطر فهو للبخور اليومي

مالكن بالطويله

المهم اليوم سويت لي عود معطر وحبيت انكن تشاركني

طبعا عشان تسوي عود معطر بتحتاجين لـ :

عود (( يفضل انها تكون قطع صغيره ))
عطر عربي
علبه عشان تحطينهم فيها
ومسك (( لو تحبين ))

تختارين العود اللي يكون لونه داكن
والسبب انه امتصاصه يكون احسن للعطر

تصفين العود بالغرشه.. وتحاولين انه ما يكون فيها فراغات وايد
والسبب انها الفراغات بيتجمع فيها العطر وما بتستفيدين منه للعود

تصبين العطر حوالي 5 تولات للعلبه هاذي
ممكن انج تشترين العطر جاهز او انج انتي بروحج تخلطينه
طبعا هاذين مخلطات انا اسويهن
لا تقللين من العطر لانه بيكون العود بدون ريحه بعدين (( يعني تعبتي ع الفاضي ))

بهالصوره حبيت اوضح لج كميه العطر بالغرشه
طبعا يوصل للنص
بهالمرحله تقدرين تضيفين المسك بس كميه قليله لانه يولع ع الجمر بسرعه بعدين

واخر شي تحطين استكيرات ع العود المعطر وطبعا عليها التسميات
(( مركز دهن العود ))
(( ليالي العرب ))

طبعا انا موقفه عرض منتجاتي من العطور ع النت
بس حبيت انكن تستفيدن من اللي اعرفه

اتمنى انه الموضوع عجبكن واستفدتن منه