طريقتي احفظ فيها بنتي القرآن

مرحبا

حبيت افيدكم بحركــة.. حلوة و خفيفة

ومنها حفظت بنتي بعض السور القرآنية..

انا اودي بنتي الحضانة يوميا و ارجعها معاااي..في طريقي من و الى الدوام
في الطريق اعلمها و اقريها السور.. و هي تقرا معي..

طبعا انا اقرا السورة و ارددها.. وهي شوي شوي تقرا معاي..
صارت كل ما تركب السيارة ، تقولي ماما يالله نقرا
و نعلي صوتنا بالقرآن..

وما شاء الله بسرعه حفظت
مع العلم بنتي عمرها سنتين و نص..

و عملت جدول للحفظ في السيارة .. يعني كل سورة اسبوع او 3 ايام ..
/
/
استفيدوا من هالدقايق ويا عيالكم
منه تحفظ السورة و منه يكون فيه تواصل بينكم و لحظات حلوة

الله يقويج
يزاج الله خير

ماشاء الله تبارك الرحمن
عمرها سنتين ونص وتحفظ اكيد ذكية
الله يحفظها لج

انا لاحظت هالشي بعد ويا بنتي

دوم اول ما اركب السياره أقول بسم الله توكلنا على الله ولا حول ولا قوة الا بالله

صارت بنتي بعد تقوله وياي دووم

حتى ريلي بدا يقرا قران فالسياره وان شاء الله عاد يحفظون

بالتوفيق

ماشاءالله حلوه طريقتج الله يحفظها لج
وانا احفظ ولدي قوم 3سنوات بالتكرار عن طريق اليوتيوب اشغل له السورة مكررة ونقرا انا وياه ماشاءالله حفظ سورة الفاتحة ومكمله وياه

الحمدالله ..
انا طريقتي ..احط فالايباد السور وبالليل لما ايي انيمهم أشغل الآيات ونرددهم مع بعض وماشاءالله ولدي اللي عمره 3 سنوات حافظ السور الصغيره وآية الكرسي. .أحس بالليل قبل النوم زين منهاتحصين ومنها حفظ

الله فكرة رائعة جزاكي الله كل خير