اليوم بحط الطريقة مره ثانيه لأنه الموضوع القديم الظاهر الصور اللي فيه ماتظهر
https://www.uaewomen.net/showthread.php?t=135096
لأنه في خوات يسألون عن الطريقة كل ماحط شي يديد 
أول شي نحتاج أوراق مقطعه لشرايط رفيعة
تقدرون تستخدمون دفتر رسم ملون وتقطعون الأوراق بعرض 1 سم أو أكثر وبالطول اللي يعجبكم
أنا اشتري الأوراق من مواقع بريطانية وأمريكية للأشغال الورقية
بس مايمنع أنكم تقدرون تستخدمون الموجود
وتقدرون تستخدمون لونين حق نفس الورده بعرضين مختلفين
تقطعين الورق بحيث تخلين طرف الورقه فاضي عشان تقدرين تلصقينه .. يعني لاتقصين الورقه لين الآخر جوفوا الخط اللي راسمتنه بالقلم الرصاص
أنا قصيته بالمقص .. لأنه هالنوعية وايد رفيعه وعرضها بعد وايد صغير
بس في آلات حق هالشغله بعد موجوده على النت
لفي الورقه على قطعه دائرية باستخدام صمغ أبيض خاص حق الورق
تقدرين تلفين دائرة مضغوطه من الورق عشان تكون مركز الورده .. بس أنا مره استخدمت الكرستال بعد وطلع حلو
بتستوي القطعه ملفوفه بهالطريقه .. مضغوطه .. عاد ابتدي افرشي أطراف الورقه .. عشان تكون ورده متفتحه
وهذا الشكل النهائي للوردة
تقدرين تستخدمينها على أي .. على بطاقة .. لوحة كبيرة .. على علب .. على صناديق الهدايا .. أي شي يخطر على بالج
وهذا شكل من الأشكال على بطاقة
الورده الحمرا كانت بدون مركز .. يعني لفيتها على بعضها بدون مركز
والورود الصغار اللي على اليسار .. حسب الطريقة اللي حطيتها
بس الورده الكبيرة كانت عباره عن طبقتين من الأوراق بلونين مختلفين .. عرضين مختلفين .. عشان تطلع بالشكل اللي فوق .. وردي و أصفر
وهاذي أشكال لبطاقات مختلفة سويتها قبل
وإن شاء الله تعلمتوا واستفدتوا
وبارك الله فيج
وربي لا يحرمج من اللي تتمنينه
ربي يحفضج
بس والله هذا اللي كنت أدور عليه…بليييييز كثري من هالسوالف..أموووت في هالأشياء والله….
ربي لا يهينج
المشاركة الأصلية كتبت بواسطة jameela200 
وبارك الله فيج
وربي لا يحرمج من اللي تتمنينه
ربي يحفضج
بس والله هذا اللي كنت أدور عليه…بليييييز كثري من هالسوالف..أموووت في هالأشياء والله….
ربي لا يهينج
حبيبتي والله .. تسلمين على هالرد الحلو ..
والله يحفظج ويوفق الجميع يا رب
يبغي له دقه
المشاركة الأصلية كتبت بواسطة أم ود!د يبغي له دقه
تسلمين
ليش لا .. عليها 