طريقة عمل الميني تارت من مطبخ فلونة . :) تطورت العزبة فلونة صار لها مطبخ

بعد ما نزلت موضوع محشي ورق العنب

وحصلت التفاعل من قبل البنات

حبيت أنزل لكم طبق ثاني.. بس هالمرة سويت… وكل الشكر مقدم لصاحبة الموضوع الأصلي من منتدى ثاني…

وعن نفسي أموت في هالسويت..

ياني ولديه يقول أبا ميني تارت… عاد ما نقدر نرد له طلب…

بعده البكر.. يعني دلوع إلى أجل مسمى… هههههههههههههه

المهم.. هالسويت سويته ويا ختيه الصغيرة بنت _ uae

الله يطول لنا بعمرها.. ما نستغني عن مساعداتها..

والشرح بيكون نفس ورق العنب.. في البداية بحط لكم المقادير… والطريقة.. وعقب بحط لكم الصور… عشان أسهل عليكم النقل..

نبدأ باسم الله
أول شي شغلي الفرن من تحت عسب يحر وعقب ابدي…
المقادير
بيضتين. إذا البيض صغير تحطين 3 حبات..
فانيليا… أنا أحط كمية.. بتشوفون الصورة وبتعرفون.. كل هالكمية حطيتها… هههههه
كوبين طحين
3 أرباع كوب سكر
اصبع زبدة = 100 جرام = 10 حبات هالصغار اللي 10 جرام… لا تلوموني مستخدمة لورباك… حصلته في الثلاجة واستخدمته..

أول شي نطلع هالبياض الصغير من البيض وبعدين نضيف الفانيليا ونخفق.. وعقب ما تتكون رغوة نضيف كل المقادير ونعجن..
أنا كاتبة كوبين طحين.. بس بعدين زدت.. لأني حسيت إنه العجينة تلصق بالايد… المهم.. انتي ضيفي ألين ما تتكون عندج عجينة لينة وما تلصق باليد..

وهذي الصور

صورة الكوب المستخدم.. التلفون نوكيا نافيجيتر.. عشان تعرفون الحجم..

كوبين طحين.. مب كوب… بس أنا مصورة كوب واحد….

وأحينه اني لطريقة تكوين العجينة… أعرف إنه هالجملة خطأ… بس ما عرفت شو أقول..

أول شي براويكم صحن الميني تارت.. ماخذتنه من عند الصفا عدال كارفور… في العين… وااااااايد حلو.. وما يلصق.. وخفيف.. وبسرعة يبرد..

تاخذين كمية من العجين وتضغطين بايدج على الصحن.. وتخلينه رفيع.. لأنه بينتفخ عقب…

وقبل لا تدخلينه الفرن تخبقينه بالشوجة عشان لا ينتفخ ويرتفع على فوق…

وأحينه ندخله الفرن.. ونكون مشغلينه من قبل مثل ما ذكرت من تحت..

ويوم تحسين إنه أطرافه بدت تحمر.. أو قاع البسكويت احمر.. أو أي دليل شغلي نار فوق وخليه يحمر..

النتيجة براويكم إياها تحت… وقت التزيين..

ههههههههههههههههه

مقادير الكستر وطريقته..
فنجان سكر..
حبتين كيري..
ملعقتين نشا..
ملعقة كاستر..
علبة قشطة..
كمية ماء.. ما أحط كمية معينة… بس المهم إنه يوم أضيف الماي تتكون عندي خلطة سائلة.. ويوم أحطها ع النار تثقل..

في البداية هرسي الجبن.. وضيفي السكر عشان تسهلين الهرس.. وعقب ضيفي باقي المقادير وخلطيهم رباعة.. وعقب ضيفي الماي وخلطي وحطيه ع النار.. وتمي خلطي.. لا تخلينه بروحه ع النار عسب لا يتكتل أو يحترق من تحت.. وأول ما تحسينه بدأ يثقل شليه من على النار…. هاكم الصور..

لاحظي الكاستر كيف استوى غليظ

أحينه اني على طريقة التزيين.. أنا استخدم الفراولة + المانجو + الكيوي… أحب طعمهم وألوانهم…

انتي كيفج.. حطي اللي تحبين..

أول شي… صورة البسكويت..

الصورة النهائية

يمييييييي يميييييييييي

طعمه روووووووووووووووعة والله تسلم يمناااااااااااااج خيتووووووو لا خلا ولا عدم <<<< حق الاكل عااااااد هههههههه

اححححححلى شي تزيينج اللي ما نروووووم عليييييييييييه

الله يطوللنا بعمررررررج ختيوووووو

تسلم الايادي يا قمرررر

أدري بج بطينية

عاد أنا ما أستغني عن خدماتج.. خاصة التصوير…

ذليتها يا حليلها…. ههههههههههههههه

ويسلم من قال