طريقة عمل البهارات

كل عام وانتم بخير
والشهر عليكم مبارك وعساكم من عوادة امين
بهذة المناسبة ابى منكم نتساعد فى عمل البهارات لانى ابى اسويها لكن موب عارفة وش الاشياء اللى اخلطها مع بعض اللى تعرف تفيدنا وتستفيد وارجو الردود من الاخوات الطباخات [

ياللة رمضان قرب

هيه والله مليت البهارات الجاهزة
اللي تعرف تخبرنا

شوفي الغالية بقولج خلطه تسويها الوالده الله يعافيها تاخذين كمية من البهارات المشكلة بس تكون حب مش مطحونه يعني فنجان إذا تبين كمية صغيرة ويكون فيها كزبره حب وكمون وفلفل أسود ومسمار وقرفة أعواد وهال شوية لا تكثرين منه وفلفل أحمر يابس صغير اللي يتحط في النخي و بهار شكل الورده لونه أسود ما أعرف شو اسمه بس تحصلينه في المطحنه وتحطين كل هالبهارات في تاوه كبيره شوي وتقصرين على النار وتحمسينها لين ما يستوي لونها شوي بني بس ما تحرقيها وعقب تخلينها تبرد وتطحنيها ، نحن الوالده كانت تسوي كميات كبيرة فنوديها المطحنه يطحنها بس أنتي تقدرين تطحنيها في البيت.
ولا تنسوا تدعون للوالده بالشفاء العاجل

بس قبل كل شي لازم اتغسلين البهارات وحطيهم في مشخله وطلعيهن في الشمس لين ينشفن لانهن وايد فيهن غبار ورمل ..حطي الاشياء لي خبرج عنهن الاخت ولكن كثري من الكزبره وحطي معاه كركم وزنجبيل وبعد ما ينشف حمسيه على النار لين تطلع ريحته يعني ايكون البهارات كلها في قدر واحد ووديه المطحنه يطحنونه لج

صح البهارات المخلوطه حلوه

واللة انا اول اسمع ان البهارات تحمس بالنار ليش