كيف حالكم أخواتي …اشتقت لكل من في منتدى سيدات الامارات الغالي ..أتمنى أن تكونوا بأتم صحة و عافيه
اليوم إن شاءالله راح اعطيكم طريقة سهله جداً تخليكم تقرؤن سورة البقره يوماياً
لأنني من الأشخاص الذين يحبون قرائتها كل يوم والحمدلله …
واحنا نصلي خمس صلوات في اليوم …ضيفي صلاة الضحى بتكون 6 صلوات ماشاءالله
وبعد كل صلاه تقرين 4 صفحات من السورة …
صلاه الضحى=4 صفحات
صلاه الظهر=4 صفحات
صلاه العصر=4 صفحات
صلاه المغرب = 4 صفحات
صلاه العشى= 4 صفحات
المجموع 24 صفحة …. يعني بعد صلاه العشى بتكونين ختمتي سورة البقرة
شفتو كيف الطريقة سهله وبسيطه وممتعه … والحمدلله كلنا نقدر عليها ..
يالله يابنات خلونا نشجع بعض ونواظب على قرائتها … انا عن نفسي الحمدلله صارلي اقل من اسبوع اتبع الطريقة … صح مرات ما اكون موجوده في بيتي وقت صلاه المغرب او العشى بس احاول اني ازيد عدد الصفحات واعوض اللي فاتني … وصدقوني راح تحسون براحه نفسيه غريبه ..
خواتي والقرآن كله فيه شفاء ولا تنسون قراءة ورد يومي لك حتى نختمه في الشهر مرة
مشكوورة اختي وفعلا طريقة سهلة ومفيدة ,, انا جربتها والحمدلله …
ربي يوفقج دنيا واخرة ياارب … اللهم اميين ….
اول يوم حسيت انها طويييلة و ما بخلص بسرعة
بس الحين و الله العظيم ما احس بعمري الا و انا يالسة اقرا اخر ايتين(آمن الرسول …)
الحمدلله و اخذ ساعة كاااملة و الله
و الحمدلله احس اني حفظت كم اية ….
ادعولي اني احفظها كاااااااااااااااااااملة
وجزاكي الله كل خير
https://forum.uaewomen.net/showthread.php?t=388917
https://forum.uaewomen.net/showthread.php?t=387648
https://forum.uaewomen.net/showthread.php?t=388926
https://forum.uaewomen.net/showthread.php?t=387665
بصراحه كل يوم انوي اني اقراها واتعايز واقول ف خاطريه انها طويله ويوم قريت الحينه الطريقه اللي قلتي عنها شفت انها صدق سهله وببدأ من باجر بعون الله وقوته .. يعله ف موازين اعمالج يارب
ميروووه