واخيرا وصلت المكينه مالي بتاع عين الجمل ههههه ,,انا عندي المقادير المشكله كيف والخلطه بس كيف اتكون الكميه داخل المكينه يعني عطوني شي محدد اروم اخذ منه المقدار وبعد كم دقيقه اخليه في المكينه ..واخر سوال ادهن المكينه من داخل بالزيت ولا؟؟؟
شووووووووكرن
المهم
في كذا طريقه
هذي طريقتي
المقادير: (الكأس المستخدم في المقادير هو كأس جبنة بوك الحجم الوسط)
1.5 كاس دقيق الذره.
2 كأس طحين رقم 1.
1 كأس سكر بودره.
2 ملعقة صغيرة بيكن باودر.
3 بيضات.
1 زبده (227 غرام)
الطريقة:1. يضرب البيض مع السكر في الخلاط.
2. يضاف دقيق الذره والطحين والبيكن باودر الى الخليط السابق ويعجن باليد.
3. ثم تضاف اليه الزبده بعد اذابتها لتصبح سائله.
مقادير التوفي:2 فنجان قهوه سكر خشن.
1 علبة قشطة.
قليل من الزبده.
4 ملاعق كبيرة حليب سائل مركز.
طريقة التوفي:1. توضع قليل من الزبده مع السكر على النار حتى يحمر لونه ثم تضاف القشطة والحليب المركز مع التحريك المستمر حته يصبح غليط القوام ويميل لونه الى اللون العسلي وبعد ذلك يترك ليبرد وبعدها يصب في قوالب البسكويت.
وصحتين وعافيه
تكور العجينه لكور صغيره وتوضع في قوالب الجهاز وعند اخراجها من الجهاز يستعمل لذلك عيدان الخشب الصغيره.
بالنسبه للعجينه تكون مثل عجينة البتي فور تسمح انج اتشكلينها على شكل كره اصغيره وتحطينها في القالب البيضاوري يعني لا تكون سائله ولا تكون ناشفه وايد واي طبخه اكيد تعتمد على المقادير الدقيقه
وبعد ما تخلصين البسكويت تخلينه يبرد وبعدها تسوين التوفي وتخلينه يبرد اشوي وتستخدمين ملعقه صغيره في صب التوفي داخل البسكويت وتمسحين اشوي على اطراف البسكويت علشان يتسكر بالتوفي
وبسسسسسسسسس.. وصحتين وعافيه
المقدار الواحد يسوي 45 قطعه بسكويت (امسكرين على بعض)
اوتقدرين اتحطين كاكاو نوتيلا
وبعد تقدرين اتحطين مكسرات مطحونه فستق مثلا ويا ماي ورد وماي زهر وانتي اتفنني
اما عن المكينه لا تدهيتها لانه العجينه اصلا فيها زبده ما يحتاج
اما عن حجم الدوائر جربي اول مره كبر حجم البنق او طشه اكبر عنه
وبتعرفين القياس صح
والشي الثاني المكينه فيها ليتين احمر واخضر متى ما يلبق الاخضر افتحي المكينه لانه ما تاخض غير دقيقه تقريبا اي سؤال انا حاضره
يعني اول شي اخليها تسخن صح,,وبتكون بالليت الاحمر وعقب ما احط البسكوت اصبر لين مايشب الليت الاخصر
وانزين عقب كيف اظهرها.؟؟بالجسين ولا شو؟اجلبها شي
بإنتظار الصور أوكي …