مرحبا بنات.. الغاليات حابة أستفسر عن دراسة الماجستير كيف تكون.. أنا إن شاء الله باخذها عن طريق التعليم عن بعد.. من جامعة نيو كاسل بأستراليا في مجال Linguistics اللي عندها خليفة عن كيفية الدراسة (كيفية الأبحاث- طبيعتها – مستوى الصعوبة ) و اللي درست هالتخصص كيف انطباعها عنه.. و كيف أجيب الماجستير بامتياز.. ؟ يا ليت تردون علي.. حاسة بخوف لأني ما ني عارفة طبيعة الماجستير كيف..
إن شاء الله البنات يساعدونج..
للرفع
للرفع
تسلمين أختي.. للرفع
انا عاد اختي اباج تعطيني عنوانهم وتخبريني كيف التسجيل وكم الرسوم واذا فيه لهم مكتب يمثلهم في الامارات
اللة كشخة لينجوستيك .. اممم انا عن نفسي اكمل ماستر بس ما تخيل عمري ادرس في البيت بروحي لازم انتراكشن ويا المدرسين و الطلبة لاني مب من النوع الي احب اقعد و ادرس بروحي.. ف ما اعرف كيف بيكون وضعج هل انتي من النوعي اللي يحب يدرس و يحفظ بروحة؟
لاني انا مستحيل ادرس بهالطريقة i have to interact and discuss and work in groups then i can work independently on any assignment.
If ur used to this, then go for it..and all the best ^_
من تجربتي..الماجستير يكون في قروبات ..يعني من ينطلب منج بروجكت..الطلاب يشكلون مجموعات ..إما عن طريق المحاظر أو الطلاب يختارون بعض في أنهم يكونون مجموعاتهم. الأحسن أنج تختارين المجموعة اللي مجتهدة ومب اعتمادية لأني واجهت هالشي فالبداية ..وعقب انتي واجتهادج ..طبعا..اكتبي قد ماتقدرين من الملاحطات ..صدقيني بيفيدنج ..ودايما حاولي تاخذين وتعطين مع المحاظر في الحصة وخارج الحصة..هالشي يشكل فرق كبيييييييييييييييييييير من ناحية تقييم علامة المشاركة..ودايما من يعطونج موضوع للبحث ..حاولي تحظرين كل شي أول بأول ..عشان ماتتوهقين ..وتحسسين المحاظر انج ملمة بالمادة ومحظرة لها من قبل…في مواد بتيج سهههههههههههههلة وفي مواد بتيج مصيبة .. بس لاتترددين تسألين قد ماتقدرين في خلال الحصة. ومادام انتي في قروب…انتي بتكونين قوية في بعض المواد وضعيفة فالبعض..فحاولي انتي وقروبج تكونون متعاونين وتسدون ضعف بعض. ومن ناحية العلاقات أحيانا يستحسن أنج تكونين رسمية لأنه بتي فترات بنت أو ثنتين بيتعايزن وبيعتمدن اعتماد كللي عليج أو على وحدة من القروب ..ولازم تكونين حازمة في الكلام عشان يشدن الهمة…والأحسن انج تكونين القروب ليدر ( يعني قائدة المجموعة) لأنها أكثر وحدة تاخذ الكريدت أو عليها العين. والله يوفقج يارب
أووووووووووووووه توني انتبهت انه بيكون عن طريق المراسلة!!! ماعليه إنشاء الله الباجين يستفيدون