ضيجه عقب العمليه

السلام عليكم والرحمة

أحس بضيقه من عقب العملية وأنا توني أسبوع في التاسع ياني نزيف وماوقف مادري من شو المهم وسرت وقالولي عمليه وأنا من حملت كنت خايفه اربي عمليه وأنا بعيده عن أهلي واحين سويتها ومن سويتها وأنا فيني ضيجه للحين واتزيد فيني يوم ارضع بنتي وتقعد اتصيح

قولولي شو أسوي تعبت والله

الله يهون عليج حبيبتي
تمي ذكري الله و تعوذي من ابليس و سمعي قران و ان شاء الله بترتاحين كلها فتره قصيره و بتنسين كل هالتعب ان شاء الله
و كثري من الاستغفار و الادعيه نحن الحين في افضل الايام
ماجووووره باذن الله

هونيها وتهون كلنا بعيدات عن أهلنا وتتم بروحنا وهذا يمكن اكتئاب النفاس اشغلي عمرج بالبنوته ايام وترجع لج عافيتج وكل يرد احلى من قبا

الحمدلله ع سلامتج وسلامتها

ماعليه فديتج هونيها ان شاء الله ايام وبتنسين وبتردين مستانسه كفاية ان البنوته عندج بخير وسهاله ولا فيها شي ^^

الله يعينج

الله يهون عليج يمكن يكون اكتئاب ما بعد الولادة سوي شرات الاخوات قالولج واذا ما بعدج حسيتي ماشي تحسن راجعي دكتور نفساني ولا تهملين نفسج بس ان شاء الله ما تحتاجين هاي فترة وتروح

حبيبتي اولا الف مبروك عالبنوتة
والحمدلله عسلامتج
ثانيا خذي الموضوع من الناحية الايجابية
زميلتي في الدوام كانت فيها ضيجة ليش انها ربت قيصري مرتين
لكن عقب سنتين تقريبا من اخر ولاده لها
قالتلي الحمدلله ربيت قيصري
صحيح تعبت شوي في البداية
لكن المنطقة عندي ضيجة شرات يوم اني بنية
حبيت نظرتها للموضوع
وفعلا هذا شي ايجابي تنحسدون عليه اصحاب العمليات
يمكن ما بتحسين بهالشي الحين
لكن عقب سنة يوم بتستقر امورج والبنوته بتكبر بتستانسين وايد

وعن البنوته انها تصيح
البنات جي حياتي صياحات ومتعبات يوم انهم صغار
لكن من يكبرون بسم الله عليهم عسللللللل

والضيجة اللي فيج من الارهاق ووالهرمونات المتلخبطة اللي فيج
اذا في حد ممكن يساعد او تفضفضيله بهالفترة يكون احسن
لا تخلين عمرج بعزلة
وصدقيني كلها كمن شهر وامورج بتستقر وحياتج بترد نفس قبل وافضل
واسالي مجرب