ضروري الي عيالها في مدرسة ظبيانيه النموذجيه بوظبي

السلام عليكم ورحمة الله وبركاته

خواتي الي عيالها في هالمدرسه ابغي اسجل بنتي في هالمدرسه بس لازم يسولها مقابله وهي الحين في الكيجي في مدرسه خاصه

ابغي اعرف المقابله عباره عن شوه

شو الاسئله الي بيسالونها اياها

وكيف المدرسه ؟؟

وشومنهجها

للرفع

مرحبا اختي

انا بناتي في الظبيانية مدخلتنهم من الصف الاول والحين وحدة بالثالث والثانية راحت السابع في مدرسة الريم
طبعا المقابلة داخل انتي ما تكونين معانها لما طلعت بنتي سألتها شو قالت صور حيوانات وتقول لهم قصة وفي توصيل اعتقد لكل حيوان وولده بس هذا اللي اذكره

والمنهاج بريطاني من الحكومة بس العربي والاسلامية والتربية الوطنية بالعربي والباقي انجليزي

ماشالله على المدرسة ما عليها كلام بس فيه نقطة حبيت اذكرها لج انه تفوق بنتج على حسب المعلمة اذا المعلمة اوكي البنت راح تحب المادة وراح تعطي كل ما عندها لكن اذا المعلمة مب اوكي يعني البنت تخاف منها مثلا او ان تعصب وايد البنت راح تتعقد في المادة
واي استفسار انا حاضرة

سلامي

اختي حلم الجنة مشكوره وماقصرتي بس انا سمعت كمن وحده اتقولي هالموضوع ان المدرسات منهن عصبيات

حرام لا تظلمون المدرسات في المدرسة مب عصبيات بالعكس وايد يهتمووون بالبنات لدرجة الاهتمام وانا شفتها بنفسي واعرف المدرسات هناك .. وما اعتقد في مدرسه ما فيها عيب ولا عا قولتكم عصبيات المدرسات ؟؟؟ بس بناتنا شوي دلوعات وما يتحملن؟؟

الغالية انا الي اعرفة ان الامتحان عبارة عن اسئلة في الحروف الابجدية والارقام فلازم تعرف الحروف تقريبا كاملة والارقام يحطون صور لعدد معين والبنت تكتب العدد وبعد يشوفون اذا هي تميز المتشابه بالاشياء والمختلف ولازم البنت تكون حافظة سورة وحديث وانشودة بس ممكن الامتحان يختلف مرة عن مرة بس الاساسيات اكيد وحدة وانتي وحظج وخليج مصرة اذا تبين تدخلينها اما عن التدريس فالمواطنات ما عليهن كلام مجدات في عملهن وفي منهن الحازم وفي اللطيف وانتي حسب بنتج اذا مجتهدة وتتحمل حطيها عند الحازمة وايد بتستفيد واذا حساسة وكل شوي تبكي خليها عند اللطيفه اما عن المدرسات الاجنبيات كلهن واحد عدمهن و وجودهن( يعني لازم تحطين مدرسة تاسس البنت في البيت) ليتهم يبدلونهن لمدرسات من بنات الدار الي ما شاء الله عليهن امانه وشغل من الخاطر وبنعرف نتفاهم معاهن بس شو نسوي ابتلاء من رب العالمين وان شاء الله يرحمنا منهن ومن شرهن.