شحالكن خواتي ؟
اليوم حبيت اروايكم صور حديقة بيتنا الحلوة ^_^
حديقتنا فازت بجائزة أجمل حديقة منزلية على مستوى الشارجة مرتين على التوالي ما شاء الله
بليز اذكروا الله قبل ما تشوفون الصور لأن العين حق و ابويه مرض بسب هالحديقة ! .. ما شاء الله تبارك الرحمن
الحديقة كلها من أفكار و تصميم باباتي فديته الله يشفيه و يطول بعمره لأن هوايته تنسيق الحدايق ..
ما اتعاملنا مع أي شركة ديكور بس بابا بروحه يصمم و ينسق و العمال يساعدونه و ينفذون وياه ^.^
الحديقة فيها بحيرة سمج زينه و استراحة في نص البحيرة و جسر خشبي و العاب و مسبح صغير حق اليهال
و شلالين صغار و بحيرة بط (مب طالعة في الصور) و قفص طيور
و فيها بعد غرفة تراثية مطلة على الحديقة حق الشباب و فوقها الدور الثاني غرفة العاب حق اليهال و متصل بالغرفة جسر خشبي معلق و تكمل وياه الزحلاقية الزرقا اللي تشوفونها في الصورة .. بس آخر صورتين قبل ما نسوي الغرفة و واضح مكانها فاضي
شو رايكن في حديقتنا ؟!
و دعواتكن حق ابويه الله يشفيه و يعافيه
الله يشفي الوالد وسلامته من كل شر
ياليت في صور اكثر لان ابوي بيبني استراحة وابي افكار
الله يخلي ابوك ويطول بعمره ويشفية ويسلمه من كل شر
ربي يشفي والدج