و ممممممممممم بعد تفكير قررت اني احط لكم ( حركتي ) الجريئة في صبغ غرفة أميراتي …
طبعا انا عندي بنتين ( الكبيرة 5 سنوات و الصغيرة 3 سنين )
فكنت حابة اسوي ديكور طفولي و بناتي و يكون بسيط و كلاس و ما يكون وايد مكلف …
فقررت اسوي الغرفة روحي و بمساعدة ( هندي ساكن في فريجنا ) خخخ ما اعرف شو شغلته .. بس هو يسوي لنا كل شيء ؟؟ صباغ ؟؟ او كهربائي ؟؟ او بنشرجي ؟؟ خخخخخخ كل شيء يعرفه … لووول … و الحين اخليكم مع الصور
( ملاحظة .. بعض الصور مجلوبة ) خخخخخخ
1. البداية كنت حابة اسوي عدة الوان لغرفة البنات … فيتني فكرة غريبة و جريئة شوي … و هي ( 3 الوان في الغرفة )
2. فبديت اختار الالوان … و الصباغ يصبغ .. و هو مب داش مخه فكرتي الغريبة ..
3. احم احم … صورة لشغله
4 . اختر الالوان … و بعد تفكير ( اخترت 3 الوان ( الاصفر – الوردي – الازرق )
5. هالنتيجة … مكس 3 الوان و فوق خط باللون الوردي + ورق جدران خذته من هوم ار اس …
6. بعد ما خلصت من الصبغة … سرت و خذت هالثرية البنوتيه الناعمة من هوم ار اس
7. و من بعدها فصلت ستارة ( عجيبة ) من عند محل في فريجنا … خخخخخ ستارة كلاس و بسيطة
8. و بالصدفة سرت ( دراجون مول ) و شفت هالصور مالت الجدران و عيبتني و خذت مجموعة لغرفة بناتي ..
9. صورة ثانية لغرفة البنات بعد ما حطيت الصور
10 . صار وقت اني أخذ غرف النوم … بصراحة استغليت وقت التنزيلات و سرت محلات هوم سنتر و حجزت هالغرفة … ( كبتين + سريرين + تسريحة + كاميدينو بين السريرين ) فخذت هاي الغرفة
11. فالحين السرير اتركب بالغرفة
12. فديت بناتي … رقدن في غرفتهن اليديدة … و طبعا اصرن انه الشباري اتكون متلازقة … اونه يبن بيرقدن حذال بعض (^_^)
13 . و أخيرا شماعة الملابس ( هدية حلوة من خالتهن لغرفتهن اليديدة ) و طبعا مع الشماعة هدايا كلاس و ديكوريشن للغرفة …. خخخخخخخ
—————————–
و جذيه انتهينا … مع العلم : اني مصورة لكم مجموعة من الصور المميزة ؟؟؟ بس للاسف الموقع رفض يحمل بعض الصور … و انا صراحة عندي شغل و كنت مستعيلة (^_^) اريد احط الموضوع سررعة
و انا انتظر راااااااااايكم في ( لعبتي الجريئة لغرفة بنوتاتي )
بخبرج ماتقدرين تسوين غرفة عيالي خخخخخخخخخخخخخخخخخخخخ ( سوالف )
الله يعطيكي العافيه الالوان حلوه ومتناسقه والغرفه رووووووووووعه