صلاة الاستخاره , ساعدوني انا محتاره ومتردده

السلام عليكم

شحالكم خواتب الغاليات

انا صارلي 3 ايام اصلي استخاره بخصوص موضوع ناويه اسويه وبصراحه ما اعرف اسوي هالشي ولا لا ,, لاني مرات احس اني لي نيه ورغبه شديده في عمل هالشي ومرات احس اني مابا اسوي هالشي وافكر فيه وفي سلبياته بصراحه وايد متردده ومحتاره وما حلمت بشي معين بس احلامي بشكل عام كانت زينه مب مزعجه اتمني تساعدوني هل اتوكل على الله واسوي هالشي او انه التردد في الاستخاره معناته انه الله مب رايد هالشي يصير .

بانتظار ردودكم ودعواتكم لي ولزوجي بالذرية الصالحة عاجل غير آجل.

شوفي يا أختي صلاة الإستخارة مش شرط تحلمين باللي استخرت له…. سبحان الله في ناس يحلمون بأن اللي يبونه اتحقق وفي ناس لأ << شراتي >>.

اذا شفت إن الله يسر لج الأمور وكل شي ما شي تمام بدون أي عقبات هذا يدل ان ربج راد لج الخير من هالشغلة لكن إذا شفت إن الموضوع تأخر وفيه أشياء صارت لج ما كنت تتوقعينها او عقبات منعتج من انج اتكملين الموضوع فالأفضل انج تتركين هالشي لين ما ربج يفرجها عليج.

الله ييسر أمورج ويوفقج في مشروعج

لا يُشرع تكرار الاستخارة في الأمر الواحد ،فإذا كنت استخرت ووجدت ارتياحا فتوكّلي على الله وافعلي ما ارتاحت له نفسك ، فإن كان خيرا فسوف يُيسِّره الله لك ، وإلاَّ صُرِفْت عنه .

وكان الله في عونك .

المجيب الشيخ / عبد الرحمن بن عبد الله السحيم
عضو مكتب الدعوة والإرشاد

مشكورة ام شواخي يزاج الله خير

الغاليه استخيري اكثر عن مره واذا الله كاتب لج خير فالموضوع امورج روحها بتتيسر

والله يجدم لج اللي فيه الخير

وعليكم السلام ورحمة الله وبركاته

أختي صلاة الاستخارة تصلينها ووتوكلين على ربج إن تيسرت الأمور فهو خير لج وإن تعسرت فهو شر لج

مب شرط الحلم في صلاة الاستخار

وربي يوفقج بمشروعج ويرزقج الذرية الصالحة عاجلاً غير آجل

ربي يكتبلج الي فيه الخير = )