صديقتي , شو مشكلتها بالضبط مب عارفه ؟

عندي صديقة , الله يخليها , و نحن اكثر من خوات , ربع من عمر . . .

عندها حاله نفسيه , احس اللي فيها مش طبيعي , فاقده الحنان , مع ان امها و ابوها حنونين , بس تقولي ان الحنان ما يكون من قلبهم , تحس الناس معظمهم منافقين , و حتى امها و ابوها , و صارت ثقتها في الناس شبه منعدمه , تتمنى تعيش لوحدها , اصبحت تكره الناس , تحس ان الانانيه فيهم , مع انها حبوبه وايد و طيوبه وااااايد , بس تحس حتى لو امها تسويلها شي , ما يكون من قلبها و تحس امها تقول شي و من داخلها شي ثاني و الانانيه فيها , مش بس امها حتى الناس , و احيانا تتخيل ناس و تكلمهم و هم اصلا مش موجودين , و في الصف اجوفها تبتسم بروحها , او تضحك , اقول لها فلانه بلاج , تقول تذكرت شي , و اذا سرت بيتهم او يت بيتنها , ادش اجوفها كانها تتكلم , اقول فلانه بلاج , تقول ماشي , و مع العلم نحن كنا شله كبيره , من 6 بنات تقريبا , و بعدها صرنا 4 , و الحين ابتعدت عنهم , و تقول هم اللي خلوني , و مع العلم ايضا , كانت فيه صداقه بينها و بين شخص ( واحد ) و كانو قريبين بشكل مش طبيعي , يشكيلها و تشكيله , اذا تضايق يسير لها و اذا تضايقت تسير له , كانو مثل الاخوان , و هي قريبه منه اكثر من اخوانها و خواتها حتى , لكن فلان تخرج من المدرسه و درس برع , و قال لها اي وقت افضى اوعدج انني ارمسج , مع انني كنت ضد هذا الشي و تقطع العلاقه احسن , لكن قالت ماقدر اتركه , هو الوحيد اللي حس فيني و حن علي اكثر من امي و ابوي حتى , لكن من درس و ابتعدو عن بعض , ما صارو قراب مثل قبل و بسس الدراسه , و الحين تقول امي ابوي اخواتي و ربعي تركوني و الحين فلان تركني , منو باقي بعد ؟ تقول " استغفر الله " تفكر و تقول ممكن ربي يتركني , اقوللها استغفري ربج , ربج مستحيل يترك عبده , و تقول ما باقي لي حد في الدنيا , اقول لها انا وياج , ترد و تقول بيي يوم و انتي بتتركيني, لكن الفكره ان الكل يتركها في بالها , دايما احاول اخليها تفضفض لي احسن من انها تكتم في داخلها و الحمدلله انا معاها , و تقولي مستحيل انسى يوم امي تضربني و انا صغيره , لكن امها ما كانت تضربها , بس ضربتها مرتين , و هي صغيره , و تصير وااايد ان الام تعصب و تضرب عيالها , مره او مرتين ف حياتها , ماعرف شو الحل , هي ماشاءالله عليها جميله و حبوبه و محافظه على صلاتها و حتى القيام و صيام الايام البيض , لكن ماعرف شو الحل وياها , انا الوحيده اللي قريبه منها , ياخوفي تفكر عني انني منافقه او شي , والله يعلم شكثر اعزها و غاليه على قلبي , اتمنى حد يفيدني . . .

و السموحه طولت عليكم. . .

:: للرفع :::: للرفع :::: للرفع ::
^
^
^

وتظن بالناس يمكن عشان يجرحونها بالكلام او تحس نفسها اقل منهم

يعني البنت ماعندها ثقة بذاتها والواضح ان الشي هذا من البيت

مب بس من الصديقات

يعني ماحد يقدرها لا في البيت ولا حتى الصديقات

فتحس انها وحيده

وتحط الحره في البنات وتبتعد عنهن لو قالن لها كلمه

الواضح ان في شي صاير معاها بس ماتريد تقول

هي تقعد تكلم نفسها وتتخيل اشياء بينها وبين نفسها لانها وحيده ماحد يكلمها

فاتشبع ذاتها باتخيلات والله اعلم

وهي كانت تكلم واحد من قبل يعني صحيح هي طيبة وتصلي وتصوم بس اكيد

عنده بعض الامور محتاجه تعديل

فهذي النوعية الافضل انك تخلينها على راحتها

يعني كلميها عن نفسها شجعيها بس لا تضغطين عليها بشي

خليكي متواضعه وياها احسن ماتقاطعك انتي الثانية من دون سبب

ولو تدور لها على شغلانه بتصير احسن او دراسه

المشاركة الأصلية كتبت بواسطة شعاع امل

اختي من كلامك عنها اتصور انها بنية حساسة وااااايد

وتظن بالناس يمكن عشان يجرحونها بالكلام او تحس نفسها اقل منهم

يعني البنت ماعندها ثقة بذاتها والواضح ان الشي هذا من البيت

مب بس من الصديقات

يعني ماحد يقدرها لا في البيت ولا حتى الصديقات

فتحس انها وحيده

وتحط الحره في البنات وتبتعد عنهن لو قالن لها كلمه

الواضح ان في شي صاير معاها بس ماتريد تقول

هي تقعد تكلم نفسها وتتخيل اشياء بينها وبين نفسها لانها وحيده ماحد يكلمها

فاتشبع ذاتها باتخيلات والله اعلم

وهي كانت تكلم واحد من قبل يعني صحيح هي طيبة وتصلي وتصوم بس اكيد

عنده بعض الامور محتاجه تعديل

فهذي النوعية الافضل انك تخلينها على راحتها

يعني كلميها عن نفسها شجعيها بس لا تضغطين عليها بشي

خليكي متواضعه وياها احسن ماتقاطعك انتي الثانية من دون سبب

ولو تدور لها على شغلانه بتصير احسن او دراسه

تسلمين غلايه على الرد , مع العلم نحن في الثنوية , و ان شاءالله نتخرج جريب , انا اللي اقصده هي ماشاءالله عليها ذكيه و جميله واايد ماشاءالله و عارفه ربها و صلاتها و فروضها و وحبوووبه وايد و تسولف و اللي يشوفها مستحيل يصدق الكلام اللي قلته , لكن ماعرف , حرام تدمر عمرها بهالتفكير , الحمدلله على الاقل تفضفض لي , بس لو تودر التفكير , و فلان اللي ترمسه , جان كملت و الكامل الله , لكن متعلقه فيه و كانه اخوها , احس بتدمر عمرها , و انا يالسه و ايدي على خدي , و هي ياما وقفت معاي و ساعدتني , و تساعد الكل و محد مقدر , لكن مافي احد كامل , و اتمنى اطلعها من اللي هي فيه , و هي اقرب لي حتى من اختي , لكن ماعرف شو الحل ؟

المشاركة الأصلية كتبت بواسطة عذّبني وتركني

لا حول ولا قوة إلا بالله
الله يعينها على نفسها
حبيبتي حااولي تتواصلين معاها ولا تتركينها بروحها
وحاولي انها تثق فيج وسأليها مع منو كنتي تتكلمين ؟ وقوليلها لا تخافين سرّج في بير ما راح أقول لأحد.
وإذا قالت لج إنها تشوف حد وتتكلم ويّا حد يعني صديقتج فيها حاله نفسيه بعدم الثقه بنفسها وباللي حواليها
وتثق بأشخاص غير موجودين أساسا … والله المستعاااااان
والله يساعدج ويآجرج على تواصلج معاها ومساعدتج لها والدليل خوفج عليها غااليتي …

تسلمين حبيبتي على الرد , الله يشفيها يا رب , انا متواصله معاها دوم . . .