اتعاملت ويا تسع مكاتب خدم مختلفة المهم كل خدامة اييبها تتطلع فيها علة عقب مدة الضمان
اللي ابوها مات
والي فيها الضغط
والي ريلها عرس وفر عيالها
والي…والي..الخ
فالسنة خسرت لي عالخدم 18000درهم
حسبي الله عليهم
المهم تعرفت على سواقة فلبينية كانت توصلني دوامي ماخذها مواطن تعرف عليها في مكتب الخدم حبها وتزوجها وطلعت من مكتب الخدم
في يوم من الايام كنت اسولف وياها وخبرتها عن سالفتي ويا الخدامات
ضحكت وقالت لي مدام المكتب متفق وياهم !
قلتلها مستحيل تسع مكاتب تتبع نفس السياسة؟
قالت هي مدام هم اييبون الخدامة ويهددونها هاي المدة (مدة الضمان)
كوني ممتازة واذا ماعيبج الشغل لاتتكلمين.
بعد الضمان سوي اللي تبينه اشردي قولي لهم بسافر ابوي مات ريلي عرس اي شي .,,,المهم مايكون في فترة الضمان…..عشان مايخسر المكتب!!!!!!
ونحنا نفاد نفدنا نخسر نموت عادي ….
حسبي الله عليهم نصيييييييييييييييييييييحة خواتي دام انه البشكارة عالضمان وما ارتحتيلها ولا شفتيها لعابة على طول وديها المكتب….
والله المستعان
والله يعينا على هالمكاتب
وحسبي الله عليهم ..
لكني فترة الضمان اسوي لهم اختبار مثلا انثر ملح في كل مكان وخاصه الزوايا
في الحمامات وانتو بكرامه او الصاله وتحت المكتبه
وعقب وقت التنظيف اجيك اذا الملح محله يعني اغسل اديه منها
اواجهها واردها للمكتب
وابدل ولين الحين على هالحاله وحده سايره ووحده ياييه خخخخخ
حتى اتخربط في الاسامي
ازقر اليديده باسم الجديمه وجذه
شكرا لج