https://forum.uaewomen.net/showthread.php?t=616994
لكل من غلطت وفقدت ثقتها بنفسها بقولج همسه باذنج..
ربج غفور رحيم..
ربج اذا اطعتيه ولو كانت ذنوبج مثل زبد البحر بيغفرلج
خير الخطائيين التوابين ..
اختي لو ماكنتي سعيده بحياتج تراج مب اول ولا اخر وحده عادي جوانب السعاده بالدنيا تختلف ومقايسها بعد تختلف ولكن بنيء ادم دائما وابدا ماراضي!!
بنات من تجربتي ..مب انتي وحدج الي سويتي الغلط مهما كان ..غيرج ومن حولج ومن اقرب الناس لج تلقينهم طاحو بنفس الاغلاط!!يمكن ربي ستر عليهم ويمكن ويمكن بس اباج تعرفي ان التوبه النصوحه هيه الفاصل المهم الي يجب انج توضعينه!!
انا كنت بيوم اكلم نفسي ومازلت وكنت اظن ان فيني جنون اكتشفت ان معظم الناس ترمس نفسها وتعيش احلام اليقظه !!
كنت اظن اني الوحيده الي غلطت اكتشفت ان الناس بلاوي المخفيه اكبر بكثير من الظاهره
اكتشفت ان الكره والبغض صعب جدا الانسان يعيش معاه فجنبي نفسج اياه
الحياه نقدر نعيشها سعيدين بطريقتنا وقربنا من الله
بنات في من نصحني بالصدقه والاستغفار وكفاله اليتيم الحمد لله خيري ماجا الا من ورا هالاشياء وصدقوني هيه دوا للنفس لكل من اصيب باحباط واكتئاب وقام يدور للعلاج!!
بنات اقسم بالله ان استحي لو بيوم شفت صندوق تبرع وماحطيت به حتى درهم واتلوم واقعد احاتي عودو نفسكم عالصدقه صح يابنات فلوسي مو لي بس مرتاحه ان اكسبهم حلال
علاقتي بزوجي دايما متوتره صح بس الحمد لله مرتاحه اني ماغلطت بعرضه بشيء وصراحتي مع نفسي مخلتني بمشاكل واعرف ان نهايتي بتطلق ولكن مب هاي نهايه الدنيا لو تطلقتي ولا ماجبتي اطفال اتاكدي ان الله سبحانه بيعوضج بالف شيء غير هالشيئين…
لو تعرضتي لاغتصاب مب لازم تخبرين كل حد وربج ستار على عباده ومخاوف ليله العرس انتي تجنبيها وكوني قويه وملمه ولاتخلي حد يسيرج
لو كنتي ضعيفه ومسيره فاسمحيلي اقولج انتي مب تيس يذبحونه لاتخلي اي انسان يتحكم بحياتج
لا تتطالعين لغيرج وماتشوفينه ذهب يمكن لو قربتي منه تشوفي متكسر وماينلبس !!
اتمنى اكون اضفت لكم شيء خواتي واعذروني ماقدرت ارد عليكم كلكم ومشكووووووووووورات واااايد
صج من راى مصيبه غيره هانت عليه مصيبته
الحمدلله على كل حااال
والله حل كل الامور والمشاكل والهموم بهالدنيا هو شي واحد
الالتزام والوازع الديني و الصلاه والقرءان
ياربي ثبت علينا العقل والدين
و ان شالله ايامج كلها تكون سعاده في سعاده امين………….و الله بيعوضج عن كل الايام السوده اللي شفتيها و توكلي على ربج