اليوم بعلمكم طبختي لصالونة اللحم
المقادير :
لحم
3 بصل
3 طماطم
1 فلفل الاخضر البارد ( اعتقد بعد اسمه الرومي )
2 فلفل قرون
1بطاطا
اشوي زيت
البهارات ( بزار , كركم , ملح , قرفة , مسمار , هيل , ليمون ياب البني واشوي فلفل اسود )
الطريقة :
اول شي نغسل اللحم زين زين لين ما يتنظف عدل بعدين انييب جدريين جدر واحد انحط فيه اللحم وانحط عليه ماي اشوي وانخليه عل النار لين ما يثور وتظهر كل الوساخة وفنقس الوقت الجدر الثاني انحط فيه ماي وايد يعني اكثر عن نص الجدر وانخليه يثور
بعدين ننقل اللحم اللي فالجدرعد ما يتنظف عدل لين الجدر اللي فيه ماي ولازم الماي يكون يثور وبعدين انحط البصل والبطاطا ولا زم البطاطا ما اتقطعونها صغار يعي البطاطا تتقطع بس قطعتين وانحط البهارات والزيت وانخليه يثور وانغطيه
بعد تقريبا خمس دقايق انحط الطماطم والفلفل الاخضر وبعدين انغطي الجدر وانخليه تقريبا ساعة وربع لين ما ينضج اللحم وتغلظ الصالونة
وبعدين نتأكد من اللحم اذا نضج او بعده يعني اندخل فيه سجين فاذا دخلت السجين بسرعة يعني نضج اللحم .
وجي خلصنا وتقدرون تاكلونها ويا العيش او يا الخبز
اتمنى الطبخة تعيبكن
تسلم ايدج يالغاليه
مشكوره
تسلميين ما قصرتي
حافظج ربي