صالونة السمك من مطبخ بيتكم ضرووووووووري

السلام عليكم ورحمة الله وبركاته

حبيباتي ابي طريقة صالونة السمك (واي نوع هو الافضل الكنعد والا الصافي والا شو؟؟)

شفت طرق كثيييره عالنت بس ابغي الطريقه اللي انتي او والدتج او عمتج او ربيعتج تسويها وتكونين متأكده منها وتكون لذيذه وروعه

ضروري بنات ابيها تكون روعه ومجربه مابي من الانترنت..

الف شكر وجزاكن الله كل خير

احنا طريقتنا غير شوي بتشوفيها لكن نحن واااااااااايد نحبها
نوع السمج نفس المجبوس هامور ولا سكل ولا جنعد…..
اولا غسلي السمج زين وودنيه بماي وملح وليمون نص ساعة…………..
واشخليه وخليه نص ساعة وعقب دقي ثوم ومعاه فلفل حار اخضرو ملح و سنوت(كمون) ونص ليمونة واحشيه من داخل وخليه عشر دقايق…………….
وييبي طحين رقم 2 وحطي عليه خلطة البزار مالكم وغطسي السمج مباشرة ودقي على السمج عشان تتخلصي من فائض الطحين وقليه على نار حامية لين ما ينضج……
الحمسة
شيطي بصل لين يتحمر وقطعي ثوم شرايح ونتفة زنجبيل حطيهم فوق البصل وعقب طماطم في الخلاط ونتفة صلصة و
وخليهم لين ما ينشف مايهم وبعدين زيدي ماي مكعب وماجي والسمجوخليهم عشر دقايق على نار هادية ……..
وبالعافية

كمونه حبيبتي سال لعابي تسلم ايدج بجربها بإذن الله… بس اذا السمج مقطع سلايس كبار ما بقدر احشيه شو اسوي؟

اذا سمج بعظامه شقيه من الجانب واحشيه بالثوم
واذا مخلي ادهني الخليط فوقه وخليه نص ساعة لين ما يتشرب الخلطة

تسلم ايدج فديتج لا خليت منج

اي طرق أخرى بنات؟؟ معقوله بس كمونه فديتها تسوي صالونة سمك حلوه؟؟

هلا اختي طريقتي قطعي السمج وملحيه عقب بهري السمج وقليه قطعي البصل شرايح ودقي ثوم وزنجبيل وفلفل خضر حار حمري البصل وحطي فوقهم طماط حب مقطع قلبيه شوي ورشي شوي بهارات وكركم وغطي الجدر دقايق وتكونين مقطعة كزبرة خضرة وحطي فوق الخلطة وقلبيه شوي وحطي معجووون طماط وبعد ماتخلطينهم عدل حطي السمج على الخلطة خليه بعد دقايق

وتكونين منقعة تمر هندي في ماي ضيفي عالسمج وخليه يطبخ على نار هادية

بالعافية عليج اسمحيلي اختي ان شاء الله اكون عرفت اشرحلج