شيخه بمعآنيهآ وكيكتهآ الورديه =)

عدت بعد غيآب بكيكتي الورديه اليمي يمي
المقآدير /
علبة كيكة اسفنجيه جاهزه ,, يفضل العلالي
كريمة مكتوب
الوآن طعام
مواد تزيين الكيك
مربى فراوله
جوكلت سآئل هيرشي

اول شي نسوي الكيكه ,,
ونقسم الخليط في 3 ملال ..
كل مله نضيف لهآ قطرة لون ..
وبصحن الفرن .. نحط الخليط فوق بعضه بدون لا تتجانس الالوآن ..

بتلاحظون بالصور لون الكيك

وبعد ماطافت النص سآعه وكيكتنآ انخبزت .. نبردهآ .. وعقب نقصها من النص للحشوه
نحشيها بمربى فراوله وكاكاو هيرشي سآئل .. ونردها للثلاجه تبرد

بهالفتره .. ناخذ كوب واحد من علبة مكتوب / الكريمه
طبعا بتلاحظون انها سائله بس ثخينه شوي ..
نيب المضرب الكهربآئي ونضرب لمدة نص سآعه وراح تنتفخ الكريمه وتصير شرات كريم محلات الكيك ..
عن نفسي افضل هالكريمه لانها ماتذوب لاكثر من يومين تكون محافظه على شكلها
نضيف قطرة لون لو حابين نلونها بس بشرط قبل الضرب بالمضرب الكهربآىي عشان تتلون بطريقه احسن