انا الصراحه كتبت هالموضوع بعد تفكير لاني بالعاده ماحب اتدخل بهالامور ..!!
اموت وافهم وش اللي مخلي البنات يموتون عالزواج جيه ..؟؟
كل يوم نلاقي موضوع ابي اتزوج و انا عانس ومدري شوو ..؟!
واللي تقول ربيعاتي و اخواتي الصغار واللي تقول ماطلع واللي تقول محد يشوفني
انزين بالنسبه لي اختي الصغيره معرسه وعندها عيال ماشاء الله عليها
واختي الكبيره بعد عرست والله يتمم لها على خير وعقبال ماشوف عيالها
ومب باقي حد غيري من الكبار بس ماعمري قمت اصرخ واقول ابي اعرس ..!!!
بنات عيب بحقكم هالشي خلوا شوى خجل بويووهكم …؟؟!!
لو ريال قعد يلفف بالمنتدى وقعد يطالع مواضيعكم شو بيقول ..؟َ!
بيقول بنات الخليج طايحات بجبود اهلهم كل يوم وحده تصررخ تبي تعرس ..!!
والله استغرب هالنوعيه ويييين الخجل ويييين الحيااااء وييين ويييين ووييييين ..؟
والله من غيرتي على بنات خليجنا اقول جيه ماحب حد يقول انكم ميتات عالعرس ..؟!
كل وحده نصيبها بيي للبيت بس تتريا عليه وتدعي ربها مب تقول جيه ..؟!
انا احس لو بيوم قلتها لوحده قريبتي ولا اهلي ولا خواتي بطيح من عينها بدون اي تفاهم ..
وبعدين الزواج مسؤوليه وعيال وهم وشغل وكراف مب كوشه وفستان وشهر عسل بس ..!؟
ولا هو ريل وحب وغيره بس .. كلها كم شهر ويصير نكد ومسؤوليه وشيل وحط وغيره وغيره
كلكم شكلكم فاهمين العرس غلط …!!!
وياليييييت اللي يصرخن بهالشي تعدن الـ30 تقريبا .. كلهم بين الـ 20 والـ 27 تقريبا ..؟؟؟!!!!!
يعني بعدهم بعززز شبابهم وصغار وكل من يتمناااهم .. بلاهم كلهم يبون العرس وبس
اسألوا كلللل اللي معرسات هنيه وقوللهم شو الزواج وهل انتوا تميتوا بنفس الشي لين بعدها بسنه ..؟
الكللل بيوقوللكم انه مب عرس وكوشه وفستان بس الا هو عيال ومسؤوليه وريل وغيره ..!!!
الصراحه ماحب اتعامل مع بنت عندها الجرآه انها تقول بيوم ابي اعرسسسس ..؟؟؟
ياخي دشيلج اي موقع فيه دعاء وادعي ربج تحصلين نصيبج بسرعه ..!
محد من البنات هني بيسوي واسطه عشان نصيبج بعد ..؟!
وماظن وحده بتقولج تعالي لانج تبين تعرسين بعطيج اخوي ولا ولدي ولا غيره ..؟!
لا والحلو انهم يعطون مواصفات ..
يعني مثلا :
ليش ما اعرس مع اني طويله ورشيقه وحلوة وبيضه ووزني كذا وعيوني كذا
ومحتشمه واخاف ربي وما اطلع برع ولا احب الظهرات وغيره وغيره وغيره
مب ناقص الا انها تكتب اقدر الحياة الزوجيه واود الزواج من شاب كذا كذا كذا مواصفاته ..!!
يعني صدق الله يسترررر على البناااااات ويردلهم عقولهم والله
كتبت هالموضوع من حرقة اعصابي على بنات خليجنا الله يعزهن
السموحه
ومش غلط او عيب الوحده تفضفض
االله يرزق كل محرومه بزوج الصالح
صحيح كلامج اختي وانا وايد لاحظت هالشي في المنتدى …~
وسبحااان الله يمكن من دعااء البناات الله يجدم رزقهااا
ترى الزواج رزق بعد