عرايسنا الحلوات ممكن تقولون لي شو تكتبون عالتوزيعات
لان عندنا ملجة قريب و يالسين نعدل فالتوزيعات بس مب عارفين شو نكتب؟؟؟
اتمنى انكم تساعدوني
او اسم ام المعرس او ام العروس
او اكتبي مقطع شعر
افرحوا و هللوا يا عرب ….. اجتمع اليوم ماس و ذهب
هذا (اسم العريس ) الي خطب ….. (اسم العروس ) و هي عز الطلب
(اسم العروس) يا أجمل حروف الشعر ….. (اسم العريس) يا أروع قوافيها
تستاهل ( اسم العروس) التبريك …..و يستاهل (اسم العريس) فرحته فيها
يا معازيم الحفل
صلوا على النبي الهادي
اليوم انجمع شمل
(اسم العريس) و (اسم العروس)و الفرح بادي
(اسم العروس) يا ورده ما بين الورود
قطفها (اسم العريس) ما بين كل الوجود
الحلا و الدلع في خدها موجود
و الطيب فيها و الحسن بلا حدود
طير الفرح غنى
و بديارنا علا
وعساك يا (اسم العروس) تتهنى
مبروك للعروسين
اللهم بارك لهما و بارك عليهما و اجمع بينهما بخير
يلي شرفتونه
يلي هنيتونه
بأحلى دعوه لا تنسونا
يا مرحبا ترحيبة كلها أطياب
أحلى من العنبر و ازكى من العود
للي حضروا لعرسنا أصحاب و اقراب
و بحضورهم زاد الفرح و الهنا زود
زفوا العروس و ارموا الورود بدربها
و من الحسود يحمي خطاها ربها
نجمة غطت الكون تضوينا بسماها
يا (اسم العروس) يا كل الزين و(اسم العريس) خذاها
الليلة بالفرحة جيناها نحييها
الكل يبارك (اسم العروس) و يهنيها
ألف هلا يا (اسم العروس) و ألف مبروك ** جعل السعادة والهنا قدامها
كنك بدر في طلتك يوم زفوك ** حورية تلفت نظر من شافها
أجمل و أحلى تحية ..
مغلفة بالورود ..
و معطرة بدهن العود ..
إلى ضيوفنا ..
الي غلاهم عندنا ماله حدود ..
سبحان من جمع القلوب بفضله و على رحاب الود عمر دارها
طاب اللقاء و زاده تشريفكم في ليلة قد أشرقت أنوارها
طلائع السّعد قد لاحت بنادينا .. و طائر الأنس قد أمسى يهنينا
تم الزفاف و العقبى لكم سلفا .. غدا نهني إلي أمسى يهنينا
أحلى جمعة .. أحلى بسمة .. أحلى ضحكة في فرحنا
ربي بارك في عقدنا .. هذا و الله كل أملنا
بشرى لنا ..
نلنا المنى ..
زال العنا ..
و أتى الهنى ..
يا نفس طيبي باللقاء .. يا نفس قري أعينا
هذا الي حصلته واتمنى يعيبج والله يوفقكم وتضهر الملجه حلوة ^_*
قلب الشامسي ما قصرتي ربي يعطيج العافية على هالمسجات الغاوية