شو سبب هالآلام ؟؟؟

مرحبا خواتي ..

أنا توني داشه الشهر السادس ..
بس من فترة أتيني آلام مثل آلام الولاده .. حتى أتوقع في أي لحظه ينزل علي الماي ..

صدق خايفه بس ما أعرف شو سبب هالآلام ..

حد يقدر يطمني هل هذا الشي عادي ؟؟

مااعرف والله لاني اول مره احمل..

ان شاالله خواتي يفيدونج…

والله ماعندى فكرة
شوفي دكتووورتج إن شالله خير

الغاليه ممكن انها تكون توسع الرحم عشان حجم البيبي يكبر يا انها تقلصات ولاده مبكره لا قدر الله .. راجعي طبيبتج باسرع وقت وعسى خير ان شاء الله

الله يتمم عليج بالخير ويحفظلج جنينج ..

غناتي ألي أعرفه أنها أعراض المنان
يعني ألم عادي تحس فيه الحامل.

وفي حوامل أيهن ألم كأنها ألام الولاده
بس يوم يروحن يفحصن .. ما يحصلن شيء يدل على ولاده.

فلا تخافي غناتي .. بس أنصحج تتأكدين أكثر
عسب تطمنين على عمرج وعلى البيبي ^^

وتلقين الخير بأذن ربج.."

اذا كان الالم في نفس موعد الدورة

أعتقد عادي ,, تستوي هالتقلصات للحامل

بس أحسن راجعي الطبيبة المختصة

حبيبتي في امووور الحمل لازم اترااجعين الدكتورة احسن ونحن ما عدنا الخبره الكافية عشان نفيدج