وانا وحده من هالبنات البطاليه لادراسه ولاشغل
————–
بقولكم ستلفتي اول مادرست بالجامعه تقدم لي واحد امه تعرف امي
فكلموا ريل خالتي لانهم يعرفونه اكثر وهو قال لهم اني محجوزه لودله
الله يسامحه
فخطب وحده ثانيه
وبعد ماتخرجت خطبني واحد سكير
وبعده خطبني واحد مايصلي
وبعده خطبني واحد متزوج من ورى أهله
وأخر واحد خطبني كان مغصوب علي من أهله وهو يبي بنيه ثانيه فرفضته
————-
المهم ولد خالتي كان يباني ويقول لخالتي انا بخذ بنت خلوه
لكن في وحده من اهلنا الله يسامحها خذت رقمه وتتصل له بحجت تسأله
بعض الاسأله
وبعدين قامت تروح بيتهم وتدخل الغرفه معاه
وخالوه اطلعا من الغرفه وتقول لها استحي على ويهج لاتدخلي مع ولدي بروكم بالغرفه
لكن هيه قليلت حيى وتم جي لين ماتعلق فيها الولد وخطبها وتزوجها بعد
الله يهنيهم لاني انا ماكنت ابيه اصلن ( ضعيف شخصيه)
———
وفي وحده من اهل ابوي قالت انها تباني لولدها بس تنتظره يخلص دراسه ويشتغل
ولما اشتغل لحسن الصدف شفت اخته بواحد من الاعراس وسالتني شو اسمج هي تعرفني بس تستهبل
انا قلت لها حزري شو اسمي
وهي زعلت وقالت لاخوها يخطب حميتها
اونه تناسبه اكثر مني وقالت لهاهلها
اني وحده متكبره وشايفه نفسي بس عشان ماقلتلها عن اسمي
الله يسامحها
واخوها خطب حميتها بس والله
من خطبها لليوم وكله مشاكل بينهم
مادري هو السبب مني او لا
شفتوا قرادت حظ مثلي
بغيت اسألكم عن معرض الشعوب مفتوح ولا مسكر ياريت تردون علي خبر بسرعه
همتكم يابنات الشارجه
ويرزقني بالريل الصالح