خواي ان شاء الله بنتي بتدخل ال كي جي 1 السنه اليايه ..وايد مفكره في مدرسة راك الامريكيه
بس اليوم مريت عليهم و المدرسه مبنده ..قالي السكيورتي ما بيفتحون لين شهر 6 او 7 ..حد
يعرف ليش ؟
او كيف النظام؟؟
up
مافيها ادنى أمان
جدامها شارع عام ووراها محطة بترول ..لا قدر الله لو صار شي في المحطة تروح المدرسة بأكملها
والامر راجع لج
شوفو المدارس الجديمه اول شرا تعرفه ولا خير تترياه
لا اختي عيالنا مب حقل تجارب ..بس عطيني اسم مدرسه تقريبا كامله المواصفات في راس الخيمه ..انا اصلا مب من راك انا من دبي و عرست خذت من راس الخيمه ..بنتي السنه اليايه بتدخل كي جي 1 ..ابغي ادخلها مدرسه مستواها زين من ناحيه التعليم و الاكل و المبني و كل ..
درت راس الخيمه كلها ما خليت مدرسه خاصه او حكوميه ما سألت عنها ..كل مدرسه فيها ان ..اللي اكلهم مب زين و اللي مدرساتهم و اللي مبناهم جديم و اللي و اللي …تعبت نفسيا …استبشرت خير في هالمدرسه سويت سيرج عنه و سرت شفت مبناهم وارتحت و قبل هذا كله صليت استخاره ..
العيب مب منا اختي اذا سمعنا عن مدرسه يديه سيده ركضنا العيب في شي ثاني …اذا المدرسه الجديمه تسد النفس ليش ما نسير صوب اليديده