احنا اهل دبا شغلتنا المالح (حبيب الشعب الاماراتي)
اسمعوا الطريقة :
اول شي لازم ايكون المالح من النوعية الزينة وتعرفين من لونه اتحسين ان قطع المالح لونها فاتح وهذا يدل على انه يديد مب غامق من الف شهر
بالنسبة للسمك احلى نوع ( الجباب)
الطريقة:
1ـ اول شي تغسلين المالح زين وتتاكدين انه نظيف من الملح ( طبعا بيتم شوية مب مهم)
2ـ اتفورينه في الجدر تقربيا ربع ساعة او اكثر شوية لين ما اتحسين انه نضي
3ـ اطلعينه من الجدر بعد ما يبرد وتبتدين اتنظفينه من الشوك اللي فيه ( لاتحاولين تغسلينه الا لو حسيتي انه فيه كمية ملح ما تنظفت) وقطعيه قطع وسط مب صغيرة وايد
4ـ اتحطينه في الطاسة اللي بتقدمينه بها وتكونين مجهزة اللومي المعصور وحطيه على المالح وجبي عليه الماي الفاتر
5ـ قطعي بصل اخضر الطويل ( اللي ينحط في الارز الصيني) او ممكن البصل الابيض وطماطقطع صغيرة وبقدونس مفروم وحطيه عليه وخليه فترة قبل الغدا حتى المالح يتشرب طعم اللومي
طعمه جنان
وبالهنا و العافية
ويعطيـج العافية أختي
^^