بنات عندي سوال،، كيف تشغلون عيالكم في الصيفيه،،
شي مراكز ممكن نستفيد منها وندخلهم فيها ،، في العين ،،؟/
صارلي فتره ادور مركز لتجفيظ القران ومالقيت كلهم مصكرين والا ماشي مسوين برامج صيفيه،، احس حرام تروح الاجازه باللعب والتلفزيون..
اللي عندها افكار ياليت تفيدنا،،،
والله يجزيكم الخير
كنت ناويه انزله
عن نفسي اتصلت لمركز محمد بن خالد قالولي اتصلي في نص ٦
عشان يخبروني بالبرنامج
وحضانة كيدز أر اس العام كانوا مسوين برنامج صيفي للبنات لحفظ القران وتعليم الطبخ…الخ
السنه يستقبلون لعمر ٤سنوات فقققققققط
فاللي سجلت عيالها تخبرنا بلييييييييز
اليوم رايحه اسجل العيال في معهد تعليم لغة انجليزي
و في شهر سبعه بيفتحو كراتيه و تكوندو
ان شاء الله بااسجلهم
يومياً اعطيهم صفحه كتابة ثلاث كلمات عربي مع قراءتها
و صفحه انجليزي ما زلت عند الحروف
و صفحه تمارين رياضيات (جمع و طرح )
تكون الصفحه اسطر متباعده عشان ما يملو
اشترط عليهم ما يلعبو على الكمبيوتر غير لو خلصوها
عشان كذا بيكتبو من سكات 
الله يوفق الجميع
شهر سبعه بتبداء في المسجد تحفيظ القران
ان شاء الله نستمر
دعواتكم بالتوفيق للجميع
شي منه فالعين
وشي ملتقى صيفي (قيظ ويانا) في الرماح