شو بتكون ردة فعلكم إذا مريتوا بهالموقف ؟؟

شو بتسوون لو مريتوا بهالموقف ابي اشووف ردوودكم..يالله سمينا بسم الله..<<سموا يا بنات..
راااح ابدي الموضووع,,من فتره اكتشفت ان زوجي اكلم وحده عالخاص في المنتدى طبعا هو مشترك في منتدى وهاي البنت انا اعرفها..<< ربيعتي طبعا وفي نفس الوقت تقرب لزوجي من اهله..وهي كانت تعرف انه زوجي وهو يعرفها منو لانها قالت له،، وبعد ما واااجهته قال خلاص ماراح اكلمها وطبعا انا وثقت فيه لانه زوجي بس للاسف رد وكلمها مره ثاانية انا كنت ابيت اهلي بس هالمره كلمها عالخاص وبعدين كلمها بالموبايل..>_< وهي طبعا عادي شو همها بعد عزااابية وكشفته بعد يوم وواجهته وعفست الدنيا واعصاابي تعبت من الصدمة ما عرفت شو اسوي ليش شو السبب اللي خلاك اتسوي جي<< ماشي..قصرت في حقك الجواب لا..يحليلي كنت حامل وما قدرت امسك اعصابي..بعدين سامحته شوفوا قلبي كبير وااايد لانه زوجي ابو عيالي شو اسوي ادمر حيااتي علشان وحده لعاابه الله يهديها بس..وما خلصت السااالفة بعدها اتصلت بالبنت وكلمتها وقلت لها ما توقعت منج اتخوونيني ويا زوجي وقامت تتأسف وما ادري شو ومن هالكلام اللي لا اودي ولا اجيب وقالت خلاص راح اتركه وما بكلمه
عقب فتره تقريبا شهر اكتشفت انها منااافقة طلعت اتكلمه بس شو امسوية الحبيبة مغيرة رقمها اونها على بالها ما راح اعرف بس عرفت عن طريق مسج شفته اونه انت وينك ليش ما اترد لا بعد اتقوووله حبيبي..>>ما ادري هالبنت كم واااحد حبت لانها كانت اتحب اخووه وبعدين حبت واحد ثاني والحين الله العالم رااح اتحب منو..والزوج المصون امطلع رقم يديد علشاان اكلمها وانا يا غافلين لكم الله بس انا ما سكت وقلت له انت جرحتني في قلبي وعمر الجرح اللي قي القلب يلتئم بسرعه..حراام عليك ليش؟؟ ما قدرت استحمل دموعي على خدي وبعدين طبعا سامحته شو اسوي بعد الله كريم..بس الحين الحمد لله عادت المياه الى مجاريها..الله لا افرق ابينا قولوا امين ويبعد شر الحاسدين عنا..
وفي الختام اقول لكم يا خواتي لا اضيعون حيااتكم على سبت بنات مايستااهلون والله العظيم هم ودهم تفريقكم..

حبوبه هدديها انك بتفضحيها وبتخبري الكل وعندك الاثبات

الله يهديه ويخليكم لبعض

حبوبه هدديها وهدديه انج بتفضحينهم المره اليايه لو كرروها , وصدقيني بيتأدبون . عيب عليهم

ههدديها انج بتخبرين اهلها وانه عادي عندج اتيريرينها المراكز مسودة الويه هاي