شحالكن خواتي المعرسات و الآنسات ؟ 
من زمان ما كتبت موضوع يديد في هالقسم و اليوم يا على بالي موضوع للفرفشة عن العرس و الخطاطيب ^.^
خبرينا شو المواصفات اللي يطلبونها اخوانج في البنيه يوم يفكرون بالزواج ؟!
طبعاً الأخلاق و الدين ما يختلف عليهم اثنين لكن بعض الشباب عندهم مواصفات عجيبه و غريبه لول
يعني حد يبغيها ضعيفونه ورشيقة و حد يبغيها مليانه و مربربه .. حد يبغيها بيضا سنووايت هههه و الثاني سمرا مملوحه .. و حد يشرط يكون شعرها اسود و طوييل و الثاني ما يهتم للشعر
و حد يشرط انها تعرف تطبخ و راعية بيت شرات الحريم الأوليات و ما يبغيها تشتغل .. و حد يبغيها دلووعة و أميرة ما تشل ولا تحط و تكون جامعية و موظفة
و بعض الشباب يهتمون بالتفاصيل الدقيقة لدرجة مضحكه و اكييد مرت عليكم وايد مواقف 
و انتي كـ أخت يوم تفكرين تخطبين بنيه حق اخوج على أي اساس تختارينها ؟ يعني شو اللي يهمج و يجذبج لها اكثر شي ؟!
انا عن نفسي بعدني ملقوفه و ما عندي اخوان كبار بس لاحظت اكثر عن مره كل ما يشوفوني و يخطبوني تقول ام المعرس بنخطب هاي الضعيفونه اللي شعرها طوييل ههههه
و قبل كنت متعقده من الضعف مع اني رشيقة مب سلق و كان فخااطري امتن و سويت المستحيل بس الحين خلاص ما افكر امتن لني حسيتها ميزه ايجابية لول
يالله خبرونا عن اخوانكم و سوالفهم
كل ما نقولهم متى بتعرسون يقولون مالنا خلق الحريم ومشاوريهن اللي ما تخلص هههههههه
يعني ما شي شروط لين الحين بس اخوي الكبير احيانا يستهبل يقول دورولي عيوز مريشه عشان تموت بسرعه واورثها ههههههههههه واعقب بتزوج على ذوقي هع
شو رايكم بشرطه عجيب صح هههههههههههههههههههه
يمزح يمزح ^_^
بس كلهم احيد يوم كانو يرمسون امي ما تكون بيضا و لا سمرا وسط حنطية و شعرها طويييل و جسمها مخصر مرتب ^^ ،،
اه ياحضها اللي بتاخذه
شروطه كانت :
الاخلاق والعباده + مربربه + وبيضا + والشعر طويل + وتعرف تطبخ + وهاااادية
وبعد عناء حصلنا اللي دخلت خاطرة وتزوجوا ويابوا بنوته الله يحفظها
وعاشو في سعادة وهناء << فلم هندي خخخ
موضوع حلو
طال عمركم يبى وحدة تقعد له فالبيت لا تدرس ولا تشتغل تطبخ وتنظف
ومايباها تحوط واايد فالاسواق…ولا تسوق
عاد وين بنحصل له وحدة بهالمواصفات
اذا نحن خواته مب جيه وين بنلاقيله من برى