بناات متلخبطه بس الحمدلله ع كل حال
ممكن تعطوني افكار
انا بإذن الله عرسي شهر 7
ف مو عارفة شو ابدأ الحين او شو المفروض اسوي
ممكن تساعدوني وتعطوني افكار
ثانيا : بالنسبة لي لازم امسك ورقة وقلم وابدء اكتب واخطط في اي عمل
ف نصيحتي امسكي ورقة قلم
ابدئي في بشرتج وجسمج اذا عندج مشاكل اسواداد والكرش يباله رياضه الضغط والشعراذا متقصف ويباله عناية او غيره يعني اهتمي ف عمرج واعتني باي جزء ف جسمج باسرع وقت …لان البشره والجسم يباله وقت وفتره وصبر .. وكل ماقرب يوم العرس وماتخلصتي بزيد الضغط النفسي
ف انصحج تبدين بعمرج وربي يوفقج ان شاء الله
وبعد حطي لسته بالاغراض للي بتشريهم وتزهيبهم خاصة كالتالي :
لمخور : عددهم و من الخامه والتطريز واي محل بتفصلينهم
العبايات: نفس االحال
بس انصحج حاولي العبايات تخلينهم قبل العرس بشهرين لان كل فتره تنزل موديلات احلى وارقى
الجواتي والنعل والجنط
ولوشنات للجسم وكريمات
الميكب والعطور
جلابيات البيت
ملابس النووم والداخلية
ولاتنسين فستان العرس شوفي اذا بتختارين مصمم معين يفصل او تاخذين يجار
ومكياج العرس والتسريحه والحناء
ابدي الحين وامسكي ورقة وقلم وبدي الاشياء المهمه
وربي يووفقج ان شا ءالله
فعلا شعري وجسمي يبالهم تعديل
الله يعين