شو المطلوب من العروس ؟؟

مساء الخير ,,

شحالكم يا عرايس .. عندي استفسار ,, شو المطلوب من العروس في هذا الفتره

انا عرسي في شهر 11 لازم من الحين اعتني بشعري و اسويله حمام زيت و غيره و اعتني ببشرتي ولا بعده توه الناس ؟؟؟

عندي استفسار ثاني ؟؟

بالنسبة ليوم العرس ( ليلة الزفاف ) شو لازم اجهز غير الزفة ؟؟

تراني ماعرف ؟؟

فكرة اسوي اخذ نوت كبير و اخليه يمررونه على ربيعاتي و صديقاتي عشان يكتبون لي ذكرى او اي شي يخطر في باليهم في ذاك اليوم مثلا دعاء ، تهاني ، وغيره من هالاشياء

شو رايكم بالفكرة و شو اسوي شيء ثاني ؟؟؟

هلا اختى …. انا توني معرسة من شهرين الامور الا لازم تسوينها عندج الاجمام المغربي من هذا الشهر تروحين مره كل اسبوع او كل اسبوعين مره بس شهر 9 سيري كل اسبوع ولا تشلين الشعر موووول …. بالنسبة لشعرج سوي له كورس حمام زيت والامور الثانية بس لا تقصينه ولا تسوي في شي بعد من هذا الشهر وعندج في كل مره تسبحين فيها قبل السبوح ادهني جسمج بزيت الزيتون وبعد الحمام تشفي وحطي ماي الورد في جسمج وويهج وخليه ليم ينشف ( الزيت يطري الجسم والماي يبيض ويصفي ) بالنسبة لعلاج الويه ابتدي من الحين لان لازم شهرين لين تطلع النتجة وااضحه وخذي علاج بعد حق الركب والكيعان للتبيض واطرين المنطقة … وفي اشياء ثانية بعد قبل العرس باسبوع مثل تشقير الجسم كله والويه قبل الشل بالحلو والله يعينج واي سؤال ثاني طرشي على الخاص

والله انا ما عندي فكره ان شا الله البنات بيساعدونج

وانا عرسي شهر 10 وبعدني ما مسويه شي

وشعاري يتساقط اكثر عن قبل

والله الموضوع حلو وااااايد مشكوره الاخت زهرة السوسن على المعلومات

المشكله اني قبل مول ما كنت اهتم في عمري والحين احس كل شي يركض وانا بعدني واقفه

بصييييييييييييح

اختي زهره السوسن ماقصرت .. وشكلي انا بعد بمشي على نصايحهاا ..

انا بعد عرسي ف شهر 11 وماسويت شي

الله يهنيكم حبايبي

وانا بعد عرسي شهر10 ^^

يلا خلونا نستفيد…….