ريلي وافق انه ياخذنا اوروبا في شهر 7
بس بشرط انه الرحله ما تكلفنا أكثر عن 30000 درهم انا وريلي وبنتي ام سنتين وولديه بو ثمان شهور
عاد انا ما أعرف شو هذي الدوله الي ما تكلف وايد و كيف اتصرف هل احجز من النت أو من شركات السياحه
ياليت ألي تعرف تساعدني
انتشرت في اوروبا . انتي براحتج هذا مجرد اقتراح.
بالنسبه للتذاكر داقه الارض وخاصه الدول الاوروبيه وماشي وايد حجوزات لاوروبا من يومين وصلت تذاكر ميونخ 2024 درهم على ما اعتقد .
أذا عزمتي ع الفكره..
تقدر أتساااعدج ::: المشرفه الغر الحشيم::: فـــ الموضوع…
حيااج الله
بس فعلا حطي فبالج هالمرض المنتشر وانتي عندج عيال ربي يحفظهم لج يارب
ومثل ما قالت ميره دبي الغــر الحشيـــم ربي يوفجها يارب مابتقصر وياج
والسموحة
ترومين تسيرين النمسا او المانيا ( دوسلدورف) او بلجيكا .. هالدول عائلية .. و عندج اذا تبين ارخص تركيا او اليونان ..
والسكن حجزي من النت ,, يومين ميونخ ،، 4 ايام زيلامسي و4 ايام سالزبورج السكن كله تقريبا بيكلفج 8000 درهم او اقل ..
السياره لها المده شي ب 3000 درهم
ها كله 20240 درهم وايد حلوو صح
و10000 خليها للاكل وللسياحه في ها الدوله ,,
انا احس ها احسن حل والتذاكر حجزيها من النت والفنادق من النت والسياره من النت وكله بيطلع ارخص واذا عزمتي اكيد عادي فديتج نحن بنساعدج وبنعطيج الفنادق بعد ,,
وسالفة السياره استأجروها يعني لمده 10 ايام خذوها من مطار ميونخ وطلبوا وياها القارمن اللي هو الجهاز اللي يدليج الاماكن وردوها في مطار ميونخ ,,
ع فكره عندي كتاب اذا تبينه فيه الاسامي للمناطق السياحيه في زيلامسي وسالزبورج والمطاعم والفنادق يعني تكتبين الاسم في القارمن ويدليج المكان بالضبط
الغاليه سوي شنطه للاكل حطي فيها حمص واجبان وها السوالف يعني مب لازم كله تشترون من هناك وتاكلون من هناك ,, تقدرون تاخذون شقه غرفه وصاله ومطبخ وانتي من هناك في السوبرماركت اشتري عيش وها السوالف واطبخي لج ولعيالج اظمن لج واوفر لج ,, الغاليه الاخت الغر الحشيم تعرف شقق رخيصه رخص التراب في زيلامسي خليها تساعدج ,, يعني انتي بروحج تقدرين تسوين كل شي ويطلع لكم اقل من 30 الف والله
وبس
تخيلي الشقة عندهم ب 200 درهم
شوفي تقرير عن التشيك كلها مطر في الصيف وكلها غابات وكلها تراث وتاريخ
ولا بعد التشيك تبعد عن النمسا ساعة ونص يعني سوي يوم وروحوا النمسا طلعوا الصبح ورجوا بالليل ونفس الشي المانيا ساعة بس
https://forum.uaewomen.net/showthread.php?t=447528
يعني تقدرون تسكنون في التشيك وبنفس الوقت تروحين يوم المانيا ويوم النمسا والقطار وايد رخيص بين هذي الدول
((حتى سوفاكيا حلوة بس اذا رحتيها ما تقدرين تروحين النمسا والمانية شوي بعيدة عندهم))