شو الحل بليييييييييييز .شاوروا عليه دخيل والديكم

السلام عليكم ورحمه الله وبركاته

شخباركم خواتي؟؟؟ان شاء الله كلكم بخيييييييييير

بعرض عليكم مشكلتي مع اني اول مره اكتب بهالقسم….

السالفه ومافيها ان ابويه يباني اتزوج

ودوم ياخذني بصوب وبيتم يكلمني على طاري الزواج

اخر مره كان قبل اسبوعين رمسني وقالي عرسي والبنت مالها غير بيتها وعيالها….

ولما انخطبت المره الاولى ابويه عصب وغيييييييييره ليش انا مااعرف المهم قالي نتي موافقه قلت له هيه نعم

قال خلاص الشور عندج وربي يوفقج

المهم ماصار نصيب مع اللي وافقت عليه والحين يايني واحد بعد من صوبهم

الولد اللي خاطبني الحين…من نفس المكان اللي كان خاطبني الشاب قبل

وبابا سوالي سااااااااااااااااالفه عليه……..امس كان يقولي انتي تزوجي وانا اقول لا انا اريد اكمل دراستي

واليوم انا انخطبت يت الام وبنتها عشان يتعرفون علينا ويجوفوني مره عن المرتين

وابويه عصصصصصصصصب قال ليش تتزوجين انتي تقولين تبين تكملين دراستج

بس انا في البيت كلمتي مسموعه بس اللي خايفه منه ان ابويه يشك ويقولي انتي تعرفينه مع اني وربي يشهد لا اعرفه وللحين حتى مااعرف اسمه

وابويه يقولي هذيلا بداو وعايشين وسط الجبال ومتعقدين وغيره

بس ان وااااااااايد مرتاحه له …اول مره بحياتي ارتاح لشخص بهالطريقه مع اني مااعرفه عدل والمرات اللي بل كل ماانخطب اتم اصيح واقول لهم اني مابيه

قولولي شو اقول حق ابويه وكييييييف اقنعه اني مرتاحه للشاب….وخاصه ان ابويه نازعني بشكل جنوني وقالي انتي تعرفين الولد وموافقه عليه وانا آخر من يعلم…

مااعرف بابا كيف يفكر مع اني وربي يشهد مااعرفه….وتم يقولي انتي تلعبين من ورايه وماادري شووووو

ساعدووووووووووووني عل ربي يساعدكم ولايبتليكم ببلوى…واللي ماعندها راي تدعي ان ربي يرزقني بالزوج الصالح وايسر اموري ويفرج همي عاجلا غير آجلا

^ـــــــــــ^

السموحه منكم…

الله يسر امورج يالغلا

ان شاء الله تسلموووووووون لي والله

^ــــــــ^

ربي يسمع منكم

اللهم آميييييييييييين

أعرفي شيء واحد….. الشخص اللي ترتاحي له هو اللي كاتبنه لش الله…. وهو اللي بيسعدش…..أدعي الله في سجودش بهذا الدعاء…… لا إله ألا أنت سبحانك أني كنت من الظالمين…. اللهم أنت المليك المقتدر أن ما تشاء من أمر يكون…. فاجعل لي فرجا ومخرجا مما أنا فيه….. اللهم يا مخرج يونس من بطن الحوت أخرجني مما أنا فيه… وألحي في الدعاء…. أي كرري الدعاء في قيام الليل والصلوات

اختي ابوك اكيد يعرف مصلحتك اكثر منك في الاختيار ويمكن الي قاله لك سببه ان يدور على مشكله علشاان تتراجعين في موافقتك له بس انتي اجلسي وافهمي سبب الرفض الرئيسي للرجال وقوليله ان هذا السبب ((هذيلا بداو وعايشين وسط الجبال ومتعقدين وغيره)) ما اشوف فيه اي مشكله واذا انت تشوف فيها مشكله كبيره وضحها لي علشان افهم واغير راي وقليله واحلفيله انك ما تعرفين هذا الشخص وانك وافقتي لانك منتي مقتنعه في سبب الرفض
ولا تنسين تستخيرين وتدعين الله

اختي في النهاية خذي بشور ابوك بس هذا مو معناته انك انتي ما تسعين في اتمام الزواج بالعكس اسعي وحاولي ان الموضوع يتم لان الحرمه مالها الا بيت زوجها مثل ما قال ابوك بس ااهم شي رضى الوالدين علشان الله يوفقك في حياتك الزوجية

والله يوفقك ياااارب بالزوج الصالح

يعطيييييييييييكم الف عافيه على النصائح

اختي ام منصور…..ابويه عمره ماشك فيه…وانا كلمتي في البيت مسموعه واقدر اقنعهم ورايي ياخذون عليه ومحد يسوي لرايي طاف

لكن انا اصلا اول مره ارتاح لشخص بهالطريقه ,,, انا حتى مب جايفه شكله ولا اعرف شئ عنه

بس ابويه قال على طول لاتوافقين …مع ان ابويه حتى مايعرف شو اللي صار

بس امايتي اتفاجأت ان الناس اتصلوا وقالوا نحن برع البيت ياين نطلب بنتكم وابويه في الدوام

ومافهم شو السالفه ولا عرف عيال منو ولا شئ وقالي لاتوافقين

بالذمه عليج هذا جواب

بس خليه ايي …بطلع عيونه>>>>>>>>>>>>>اسولف

ان شاء الله ربي يكتب اللي فيه خير بقوم استغفر وبدعي ربي ولاتنسون تدعولي بليز