شو التغيرات اللي مرت عليج بعد الولادة

قبل الزواج …

اجتماعيه .. مرحه .. وجدا احب الحياة ..
واحب خطيبي .. ويهي مليان..ومنوور ..
وكان وزني 46 تقريبا ومايزيد وايد ..

خلال الحمل ..

متنت وصل وزني 57 تقريبا ..
ورقبتي انتفخت …
وشعري ماكان يطيح ابد ..
نفسيتي .. كانت طبعا تعبانه واصيح بدون سبب
واكره الطلعه .. واحس بثقل كبير ..

بعد الحمل

خلال النفاس ..
طبعا البطن خف لكن مع ترهل .. وكنت خايفه يظل هالترهل
وكنت خايفه يكون فيني تشققات بعد الولاده .. بس الحمد لله ما ظهرت لي
وبعد شهرين راح الترهل وبطني صار طبيعي الحمد لله
ووزني بدل ينقص ينقص من 50 الييين 45 للاسف رااح الوزن الحلو
ورقبتي الحمد لله ردت حلوة لوول

بعد النفاس

ضعيفه .. وويهي شاحب .. ونحيل للاسف مع هالات سودة
تعبانه .. واحلم بيومين رقاد ..
نفسيتي ماعرف شقول عنها اتغيرت بالكامل 180 درجة
للاسوا باختصار ..

يلا بنات نتريا ردوودكم

للرفع

حلو الموضووووووووووووع

نبا نستفيييد

بس ليش نفسيتج اتغيرت للأسوء بالعكس مارسي حياتج العاديه واهتمي في نفسج!

اكثر شي عندي يسوء بعد الولاده الجسم +النفسيه
بعد الولاده احس تيني ضييييييييييييييييييييييقه فضييييعه وابي بس اصيح ماعرف ليش عقب تررووح

والجسم يترهل وشوي شوي يرد مع رياضه ورجيم +الاكل الصحي

يالله ييتي ع العوووق

قبل الحمل ..

جسمي حلووو ورشيقه .. والبس بدل وجنزات ع كيف كيفج..

وبعد الولاده .. متنت ابا اضعف مب قااااادره .. واحس استويت انطوائيه حياتي محورها ولدي وبس

نبي مشاركات بنات .. لا تبخلووون بتجاربكم ..